من روائع محمد بن قطنان (2)

الا ياصاحبي مانيـب ظالـم=ولاني نذل او راعي رديّـه
ولو ان الحب يرفع للمظالـم=لبيّن تهمتك وارفـع قضيّـه
تحسب اني نسيتك وانت حالم=ترى الاشواق فالخفاق حيّـه
امنّي الروح وصلك واتحالم=واخفف بلوة الروح الشقيّـه
وانا دايم معك للوصل والـم=ولاعندي بقطع الوصل نيـه
وناطر لك متى للوصل تالم=والمّ الجرح واقهر بك عديّه
احبك قلتهـا والعقـل سالـم=نزيه الحب عن درب الخطيه
وانا بالحـب متقيّـد مسالـم=دروبي بيّنـه ماهـي خفيّـه
جميع الناس عالم وانت عالم=الا ياعالـم الدنيـا الهنـيـه
متى بضفر بشوفك ونتعالـم=تعز الحب او تقسـى عليـه