مجالس الرويضة لكل العرب - ياحلم الشعر والشاعر

ياحلم الشعر والشاعر

أنا حلمي مشاويرك .. وحلم الليل لو مرة

أسافر وسْط تفكيرك .. وأفكر فيك وانتي لي

واشوف شلون تلقيني .. أشوف شلون تشجيني

ياعشق الشعر بحروفي .. وآخر نبض في جوفي

تلوميني على خوفي ؟!

على آخر مسافاته .. على حلمه وهقواته

على صوته .. على موته وميلاده ..

على شوقه وميعاده ..

أخاف الوقت يغدر بي وتنسيني

يجي غيري .. وترميني وراى بابك

ألم أوراق بستانك .. وأضيّع فيك عنوانك

ياحلم الشعر والشاعر ..

أنا الأول . أنا الآخر..

أبد مايهمني عاذل .. أبسبح لو يمدّ اليم ..!

وأصارع لجلك الأيام .. أبي القاك دون الناس ..

تخيرتك . ونقيتك .. وصرتي روعة الإحساس

أبد ما يهمني غيرك ..

بسافر بس لو مرة بتفكيرك

وأشوف الناس من حولك

من المحظوظ في حبك .. ومين اللي تجافينه

ومين اللي إذا جالك تصدينه

بسافر بس لو مرة بتفكيرك .. وبسأل نبضك الدافي

عن الوافي .. عن حروفه .. وعن حزنك عن ظروفه

وعن همك .. إذا ماباح لك مرة سبب خوفه

عن الحرمان .. .. وعن قربه من عيونك

عن اللي صار مجنونك

بسافر بس لو مرة بتفكيرك ؟؟؟؟؟

وبسمع بس لو مرة .. تعابيرك

إذا صرتي بلحظة صمت .. مين اللي تولاها

إذا عينك بكت مرّة

مين اللي بكى لجلك وبكَّاها

يابنت الشعر والشاعر ..

أنا الأول وأنا الآخر ..

لكن من يزاحمني

مين اللي إذا مرة نسيتيني يعلمني

ومين اللي يبي مثلي يجيك بساعة أحزانه

بسافر بس لو مرة بتفكيرك ..

أنا مالي أحد غيرك

*************** *************

تحياتي للجميع