قال منهو يفعل الطيب قلت الطيبين ( الباقة الثانية )

قال منهو يفعل الطيب قلت الطيبين=الرجال رجال بأطباعها وفعولها
ما تغير بالوفاء لو تطاولها السنين=ترتكي لحمول الايام فوق حمولها
انشد الي جربوها بالحياه وعارفين=كلمة قيلت وانا اشهد بها واقولها
كل حاظر يفتخرفي فعول الاولين=يبهجنك ناضجات العلوم سمولها
هم وسام الهرج لا دار بين الحاضرين=والحقيقه زبدة الهرج في مقلولها
كل ماتخفيه الايام لابده يبين=يطلعنه سود الايام بين خلولها
عن مغيرة الحقايق تراناعارفين=ولا يكدر صفوالايام غير خبولها
بالخطايا والحقايق ترانا عارفين=لا يخلون المشاعرتدق طبولهــا
وش تبي بعزةالناس خص الغافلين=كان ما تسعى الرخامه لهم سعولها
الوجيه الي لها زاد شذب الغايبين=مرجلتا دوب يادوب في ما كولها
الخباث الي تحقرالرجال وتستهين=العفون الي تشيل الوبا بحثولها
جنبوهم دربنا دام عنهم ساكتين=لا يخلى قدرها مثل قدر نعولها
والله اني ما أعترض مير بلوى الخايبين=وان زعلنا ما ستر عيبها هدمولها
من يسلم في يساره ماتمدله اليمين=اليمين ام الشحم ما الشمال بحولها
لوما نجحد ونتغاضى عن الي شايفين=ضاق فيها عرض الارض الوسيع وطولها
المثل وشقال تكرم مدينه لاجل عين=والا والله لاأفضح أسرارها واقولها
تفهمون العلم ماأنتم بعلمي جاهلين=كود ناس ضايعه ماتحفض عقولها

	المشاركة الأصلية كتبت بواسطة عالي مستواه

	الله يسلم قلبك حفيد قصيدهـ رائعه من شاعر مبدع لـ رجل يستاهل بن قبان شاعر كبير وابو هلا يستاهل كل خير الف شكر لك حفيد على النقل الجميل ولاتحرمنا من جديد الشاعر بن قبان ننتظر حفيد الشكر كل الشكر لك وللشاعر الكبير