| |
08-07-2008, 03:33 AM
| ||||||||||||
| ||||||||||||
Huvafen Fushi ( بالمالديف)  بسم الله الرحمن الرحيم السلام عليكم ورحمة الله وبركاتة قبل فترة قريبه سافرت للمالديف وكانت زيارتي الأولى لها وراح أعطيكم نبذه بسيطة ومختصرة عنها المالديف عبارة عن مجموعة جزر مترامية في كل جزيرة فندق واحد فقط وتختلف الجزر عن بعضها بالحجم والشكل وتختلف الفنادق من ناحية الفخامة والرقي والسهرات الليلية وعدد المطاعم الي فيها (إبعدو عن الجزر الهادية الي تنام بدري) يعتبر ال Huvafen Fushi من أرقــــــــى وأررروع المنتجعات في المالديف ومصنف من فئة ال 5 نجوم ووقع الإختيار عليه بعد مافصفصنا غالبية الفنادق يبعد عن مطار مالي 30 دقيقة بالسبيد بوت الإقامة نوعين : غرف واسعة مطلة على البحر مع بركة سباحة خاصة غرف واسعة داخل البحر مع بركة سباحة خاصة (سعرها أغلى والسبب انها داخل الموية) النادي الصحي Spa : السبا داخل البحر تمشيله بجسر طويل عبارة عن مجموعة غرف على البحر وغرف تحت البحر (ننزلها بدرج طويل) الغرف تحت البحر ب 9 متر وقزاز بحيث تقدر تستلقي وانت تسوي المساج وتشوف الحياة البحرية (سعر المساج بالغرف الي تحت البحر أغلى من الي على البحر) المطاعم : مطعم سي فود (المطعم جوا البحر وفيه جلسات داخلية وجلسات خارجية) مطعم صحي (غريب عجيب كل أكله صحي وبرضو جوا البحر) مطعم على البحر (بتاع كلووو هندي_إيطالي_برق رز_ستيك_بحري) المطاعم ماتقفل بدري مفتوحة للساعة 2 ليلا والروم سيرفيس على مدار الساعه السهرات الخاصة : يوم السبت بوفية عشاء على المسبح مع سهرة طرب وفرقة مالديفية راقصة يوم الأحد برضو بوفية على المسبح لكن مختلف عن بوفيه يوم السبت عموما الأكل عندهم مره لذيذ وأنا كنت متوقعه العكس المسابح : مسبح كبير مسبح صغير (داخل البحر) المكتبة : عبارة عن صالة مطلة على البحر فيها مختلف الكتب العلمية والثقافية والترفيهيه ودي في ديز ومسموح تختار لك مجموعة دي في ديز وكتب وتاخذهم مدة إقامتك وبدون مقابل وبدون تأمين كما يوجد العديد من أجهزه الكمبيوتر ودخول الإنترنت برضو مجاني هذي الفيلا الي داخل البحر هي الي سكنا فيها مع بركة سباحة خاصة وسرير خارجي وكراسي الإسترخاء وكرسين وطاولة يعني مايمدي الواحد ينتقدهم او يدور شي ناقص         يتبع 
 |
| مواقع النشر (المفضلة) |
|
|
 |  |
العرض الشجري
