أهلاً بمن سلم وهو ما تكلم

أهلآ بمن سلم وهو ماتكلم
لكن عيونه سلمت بالنيابه
::
دنيا تجارب ما تعلم معلم
ودرب الهوى ما يجهله من مشى به
::
اقبل علينا قلت بدر متمم
هذا دواء المجروح والا عذابه
::
غضيت طرفي كن ماني بمهتم
وهو غدى بالقلب حضرة جنابه
::
من قبل ينطق كلمته قلت له سم
آمر على اللي راح قلبه نهابه
::
قال السعودي تصرفونه على كم
دنياركم ماني بعارف حسابه
::
جينا زياره والدنانير تلزم
قلت ابشروا واللي يجي ياهلابه
::
لاشك ماحنا صراريف ياعم
امشواعلى الصراف اوريك بابه
::
وحناعلى الصراف بلعله أفهم
غرو سعودي ضيقات ثيابه
::
من عقبهم صاير معي ضعف بالدم
وضيقة نسم والقلب زاد التهابه