بسم الله الرحمن الرحيم
السلام عليكم ورحمة الله وبركاته
تعرض صديقي وأخي ورفيق دربي 0
( محمد بن عبدالرحمن ال حظان السهلي )00(ابوريم) الى حادث مروري
وسبب له غيبوبه وهو فيها ألآن اسئل الله ان يدفع البلاء عنه وان يرده سالم
معافى الينا وكان في خاطري شيئا" من الوجد لما له من مكانه في صدري
ارجو من الأخوه الأعضاء والزوار المارين من هنا
الدعاء 00لمحمد بالشفاء وأسئل الله ان لايريكم مكروه ولا يفجعكم في غالي
اترككم مع القصيده
|
ياوجد قلبي وجد من عارضه شيبشيخ كسر من عقب ما عجز وشاب |
غارو عليه القوم عقب المغاريبوخلوه رفقانه وربعه والاقراب |
في ماقف(ن) دمه على شقة الجيبمهجاد ليل (ن) بين سابي وحراب |
مما جراله يقظب العلم و يغيبوالدمع جار(ن) فوق خديه سكاب |
وجدي مثل وجده هموم ومعازيبوالهم واحد والفوارق بالأسباب |
لأنه زبون العاليات المراقيبحر(ن) عديم وللجمالات كساب |
حاز المراجل كلها وأحتوى الطيبوأمجمل (ن) مابين ربعه والاجناب |
كريم نفس ماذخر شي بالجيبومنط·آ¸أ¢â€ڑآ¬يب راسه ما بعد قفَل الباب |
للظيف عنده وافايات التراحيبوالعود الأزرق والشحم زود ترحاب |
اليا فزع ماهوب يرجي مكاسيبيارد وله بالورد قسمه ومشراب |
وجدي على محمد وجود المصاويبوحزني عليه اكبرمن الحزن لاغاب |
أقولها واللي علم خافي الغيباني على فرقاه بالحيل منصاب |
ويالله ياسامع دعاء العبد وامجيبياحي يارحمن ياوال الأرباب |
ياواحد(ن)تامر على الشمس وأتغيبوأتردها تشرق بعد ليل واغياب |
يامخرج امن الأرض حلو المشاريبوياملبس(ن) جرد الجراهيد الاعشاب |
ارجيك رجوى مابعد مدك صعيبيامعطي (ن) خلقك بلا من وحساب |
انك تمده بالشفاء منك ويطيبياواحد راجيك يعط·آ¸أ¢â€ڑآ¬طى ولا خاب |
|
31-05-2008, 01:38 AM
وجدي على محمد وجود المصاويب 
المواضيع المتشابهه 
العرض الشجري
