|
ممنوع دخول العزاب ممنوع دخولك الموضوع ( للعوائل يا أبو الشباب) هذه الجملة أصبحت منتشرة بشكل كبير بالمجتمع السعودي زيادة للتشديد والألتزام الديني حول مايخص الطرفين من المرأة والرجل العزاب عند دخولك مع أصحابك يقف أمامك السكورتي ويمنعك للعوائل فقط إنغلاق بالمجتمع حول التسوق و بنوايا قد تكون صافية لاتسبب أي ضرر وخصوصاً في مجتماعتنا الإسلامية وأن كانت مدركة لأمور عديدة وطبعاً هناك نتائج بالتأكيد نراها كوني لستُ سعودياً لكني أذهب كثيراً وأرى مايحدث نتائج هذا التشديد عراك ودماء والسبب راجعاً لهذه الكلمة للعوائل فقط يحرمون الشباب من أمور كثيرة والسبب الإنغلاق والتشديد الخارج عن حده الذي جعل من أنفسهم مجبورة على عدم المبالاة في أمور كثير والتقيد بها وذلك راجعاً؟ لما يمحله المجتمع الجاف؟ حول العزاب هل هذا الشيء يعتبر إيجابياً للمجتمع بـ إلتزامه وعدم التخطي لهذه الأمور ؟ كونك تجد هذه الجملة شيء سلبياً جافاً حول شبابنا ماهو البديل برأيك لجعل الأمور لاتخرج عن ديننا الأسلامي والإلتزام والتقيد؟ المدارس الثانوية والجماعية بحاجة طرح منهج للتعوية والأنتباه حول أمور عدة في حياتنا هل تأيد ذلك وهل برأيك سيجدي نفعاً أم هذا الإلتزام هو الأفضل؟ بمعنى التثقيف والوعي الذاتي حول الأمور أم برأيك عادات المجتمع لن تتغير وقد تكون مع مرور الأيام أكثر تشديداً وقد تجعل أماكن خاصة لكل الجنسين؟ كونه أصبح شيئاً شبيه الحلم واللا معقول في إنتظار منافشتكم حول الموضوع تحيتي |
رد: ممنوع دخول العزاب الف الف شكــــــــر لكـ ج ســد سبقتني بطرح هذا المووضووع سأتكلم بدون قيووود ولن يوقفني شيء.. اسمحلي .. |
رد: ممنوع دخول العزاب السلام عليكم من أعقد الامور التي تواجهنا .. عفوا للعوائــــل فقطــ وين نذهـــــب والله ملينا.. المتنفس الوحيد للشباب .. المقاهي .. الشيشه وتعلمون بما فيها من اضرار كبيرهـ واذا خربناها رحنا لصالة الالعب ( البلياردوا .. ) احنا شباب مكبوتين .. ملينا ... ماغير فر بالسيارة .. :( :( |
رد: ممنوع دخول العزاب طرح موفق دائما متميزز اخي ج سد ... العزاب .. عني اشوف زين مايسوون الصراحه ومع هذا التشديد تشوف الفتنه بكل مكان بصراحه كل ممنوع مرغوب لو ماتروح العوايل للمجمعات كان مالقيت ولاشاب هناك مقصدهم واضح ومومقصرين في امكان ترفيهه الشباب عندهم كل شي وين مايوبن يروحون بس مثل ماقلتلك كل ممنوع مرغوب.. هل هذا الشيء يعتبر إيجابياً للمجتمع بـ إلتزامه وعدم التخطي لهذه الأمور ؟ برأيي إيجابي وحييييييييييل بعد وهذا من الامر بالمعروف والنهي عن المنكر حرص الهيئه ع ان تخلو الاسواق او اي مكان ترفيههي من الشباب وتجمعاتهم يعني بالنظر لاتستطيع ان ترى مجموعة شباب بوسط عائله مليئه بالبنات وهذا مقصدهم من المنع كونك تجد هذه الجملة شيء سلبياً جافاً حول شبابنا ماهو البديل برأيك لجعل الأمور لاتخرج عن ديننا الأسلامي والإلتزام والتقيد؟ والله ماقصروا فاتحين لهم مجالات الكوفي وبعض المجمعات صالات بلياردو شاليهات وامكان عدهـ "يكفيهم فرفره بالكورنيش والله ونااااسه ليتنا يالبنات نقدر نتجمع ونفر بهالكورنيش مانبي هالعوائل ههههههههههه" لا اتوقع ماراح يستمر النظام كل القوانين في انحدار ما اتوقع الوضع بيتم يجي يوم وبيسمحون بالممنوع لان كل شي اللحين صار عآدي طرح رائع والسمووحه ياشباب <<اتوقع حاقدين علي هههههه |
رد: ممنوع دخول العزاب مشكور ...جسد . على هذا الطرح الرائع والمفيد .. اولا ..؟؟ أنا معك بالموضوع .. بس الشباب .. ماشاء الله عليهم صار الشاب مايستحى .. من الحركات للى يسوها .. صار يزعج البنات والعوائل فى المكان ... انا لا اجمع بس الشر يعم والخير يخص .. بصراحه انا معهم فى الموضوع .. فى المجمعات ..والأسوااق صار ازعاج الشباب ملحوظ وصارنا ننزعج منهم .. الشبا ب عندهم .. المقهى والجلسات وصالات البليارود .. مثل ماقال .روحى تحبك .. وش تبون بعد ؟؟؟ تقبل مرورى وردى الجرئ .. أختك ..( مشاعر بنوته ) |
رد: ممنوع دخول العزاب اقتباس:
وانا اولهـــم :) هههه اختي ... اعتقد وانا واحد منهم ما ادخل مقاهــي ابي اماكن اروح لهاا ؟؟؟ يالله عطيني ... غير البلياردو .. والكوفي شوب.. ذبحنا الفر بالسيارات .. والروحة لمكانين بس ماراح تلقين ... ليه نسافر برى .... كل شيء مفتوح لنا... |
رد: ممنوع دخول العزاب اقتباس:
اختي مشاعر بنوته موضوعنا مايتكلم عن حركات الشباب بالاسواق .. والحركات اللي مو زينه التي تتعرضن لها موضوعنا ... ممنوع دخول العزاب اصابعك مو طولهن واااحد بعدين اختي مو كل الشباب يدشون مقاهــي .. انا عن جهتي ماقد دخلتها.. وين اروح ... يابلياردوا او كوفي شوب واذا بجلس اجيب الشباب عندي للبيت.. والله قـــ هـ ــــر :( |
رد: ممنوع دخول العزاب ج ـــــســــد مشكور اخوي على الطرح اعتقد انه شئ يقهر صدق يعني مولات الواحد مدينة متكاملة من العاب وصالات تزلج وملاهي وكوفي وتجد عبارة للعوائل فقط يعني انتم يالشباب في الطقاق مالنا فيكم دخل طيب وين اروح اسافر مثلا ؟؟؟ هذا ليس حلا بل وصل الحد الى الفنادق والشقق تجي تقول فيه شقة يقول عوائل والا عزاب ؟؟؟؟؟؟؟ يا اخي انا منحاش من العوائل بارتاح بانبسط يقول لك ما فيش المكان عوائل حياك الله <<< يعني طرده المشكلة ما فيه محلات ثانية مخصصة للشباب لا حدائق ولا اندية رياضية ولا متنزهات حتى المتنزهات البرية اذا تكيت فيها جاء واحد معه عائلة ولزق جنبك وما تدري الا والدورية معك يالله حرك العوائل يشتكون منكم وانت قاعد تلعب بلوت صح انها من ناحية المحافظة جميل بس ما يزيد الطين الا بله يعني انت كشاب تدخل مول كبير في مصر مثلا او في الامارات او البحرين فتجد اختلاط بل عدم تستر وش يصير يعني كل حرمة بتشوفها بتكلم عليها وبس جسد لا هنت اخي |
رد: ممنوع دخول العزاب اقتباس:
وعليكم السلام أخوي روحي قبل كم يوم كنت رايح لأحد الأصحاب بالسعودية طبعاً الشباب متعودين على روتين معين مافيه تغير نفس ماقلت مقاهي وشيشة واذا زاد عليهم الطفش راحو الشاليهات (البحر) للصيد هذي بالشرقية عاد أنتوا مافيه شي عندكم بحر ولاصيد ولاشي الشباب ماهو بعارفين وين يروحون معانا بالضبظ والسبب التشديد الحاصل سوق مافيه مجمعات نفس الشي ؟ وين الأماكن الخاصة للعزاب؟ مافيه للأسف |
رد: ممنوع دخول العزاب احسن مقدييين فيكم ههههههههههههههه هههههههههه |
رد: ممنوع دخول العزاب اقتباس:
مو اسلوب تحاور هـــذآ |
رد: ممنوع دخول العزاب ياروحي تحبك ... الحين على بالكم انا احسن منكم الحال زي بعضوهـ .. احنا مالنا الا هالسوق والا هالملاهي والمطاعم .. والعوايل تحسب فيها راحة !!! يجي معهم ابوهم والا اخوهم ويشقبهم مغير مناقر .. بس انتم ياحظكم عندكم هالسيارة تفرون فيها على كيفكم .. مقاهي . مطاعم . تسافرون وتجون بالحالكم مو مثلنا اللين جينا نسافر لازم تروح العائلة كلها .. وطقاق كل واحد يبغى مكان او شي .. محد راضي بحاله .. |
رد: ممنوع دخول العزاب اقتباس:
المــآســه نفر بالسيــآرة بـــس ويــن ...!! مطــآعم:- الدنيا مو اكل بــس والمقآهي : فيه نآس ماتخشها وانا منهم بس هم الثنين الموجودين دآخل المدينة واذا خربناها رحنى كوفي وبليآردو قولي لي وين الوناسه واذا طلعنا بــرى اكيد بنآخذ اهلنــآ ايه ما اقدر اخذ راحتي الا ببلد الغــير |
رد: ممنوع دخول العزاب عندكم البر .. والملاهي والحدايق والاسواق .. إدارتها مخصصة لشباب ايام معينه وساعات برضوه من اليوم عشان يدخلونها .. هذي السياحة اللي عندنا وعند غيرنا بس هم يفرقون عنا بالكازينوهات والمراقص .. وبعدين انتم عندكم حرية اي مكان تروحون له .. الواحد منكم اذا طقت براسه مسك الخط وراح له لاي مدينة سج النفس فيها ورجع .. حملكم خفيف .. مو مثلنا مانطلع الا بإستئذان وبتحبب .. ومن يودي ومن يجيب .. وانواع القلق .. عندكم نوادي الفروسية والكراتيه والكورة وغيرها .. احمدو ربكم بس |
رد: ممنوع دخول العزاب الحمد لله على كـــل هناك مميزات لكلآ الجنسين كل شخص بنا يتمنا ان يجمع جميع الصفآت ولكن لا يستطيع لمــذآ ..؟ فطرة الله التي فطر الناس عليها |
| الساعة الآن 12:53 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : SEO by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..