خلصــــــــــــ ــــت الحــــــــــــ ــــــــــــدوت ـــة

خلصت الحدوته
خلصت فى أولها
وحياتى من بعدك
جارى فى تعديلها
لو حلوه أو مره
لازم أكملها....

قلت هاعيش وياك ف الجنه
سيبت القلب معاك يتهنى
ليه تكسرنى وتكسر قلبى
ليه ف دقيقه تهد أمالنا؟

جاى بتقول فوق من أوهامك
جاى بتقول إحساسك خانك
جاى دلوقت تقوللى " كشفتك"
جاى بتغير كل كلامك!!!

عايز تبعد كنت صارحنى
بينى وبينك
مش تجرحنى
ليه قدام العالم كله
جاى بتقوللى كلام يدبحنى؟.

كان فيه ألف طريقة تفارق
وافضل احبك وافضل عاشق
وتسيب ذكرى رقيقه ف قلبى
مش تنهينى ف ست دقايق


كنت فاكرنى هاجرح فيك ؟
أو هاتعصب وأقسى عليك؟
اللى يحب لايمكن يقسى
وانا حبيت....
مكدبش عليك

عارف...عمر ما حد خدعنى
ما هو مش طبعى أأمن يعنى
جيت ولحدك رحت مسلم
علشان تجرح وتضيعنى

عارف إيه مخلينى حزين ؟
إنى عشقت ف غمضة عين.
بعد ما باب الحب قفلته
بعد ما عشت لوحدى سنين

يلا... عموما عيش وارتاح
ميهمكش أعيش فى جراح
سيبلى الحزن بوجعه وناره
وخد من قلبى وعمرى سماح

خلصت الحدوتة !!

كأوتارِ القانون كلماتك

رقيقة جارحة

عجبتني الحدوتة

وانا اسعدنى المرور يا لي لي

فـريـد

دايم ماتجعلنا نرحل معك في عالم الحب وتذووق طعم

الآهـ والم فراق الحبيب،،

ودايم تبهرنا وتدهشنا بابداعك وتميزك بالحروف

كلمات أكثر من رووعه تمتاز بالجمال والعذوبه

سلمت اناملك ولا حرمناك،،

وفا

وفا العيون

ربنا ما يحرمنى من جمال كلماتك وروعة مرورك وذوقك

بس ايه حكاية التوقيع الجديد دا ؟؟؟؟؟ يارب خير