السلام عليكم ورحمة الله وبركاته


مسهم / صبحهم .. الله بالخير ,,
وشلونكم مبطي منكم ومن سواليفكم يا حليلكم ...



أقول :

:
:
:

تحبون العلوم الطيبة ... >>> تحري بها .. حصرياً حصرياً هههههه

/
/

صار لي في رحلة اليوم ,, موقف طريف صار معاي عند إيابي للسعودية مع وحده عجووووز ,,

قلت قسم الضحك والوناسه يدور مثل هالسوالف ههههه


بسم الله

بقول لكم وش صار معاي : طيب

ركبنا الطيارة !

وعندما دلفت الى الطائرة فإذا بالمضيف بعدما أن قرأ رقم المقعد يقول لي وهو مبتسماً
أسمح لي يا خوك فيه حرمه مسكينه جبناها على عربه وجلّسناها في مكانك على الشباك وأنت في الكرسي الآخر بجانبها
وأنا أقول في خاطري يا خوّت الفَلَس من بدايتها ,,

قلت له توكلنا على الله ,,

جلست في المقعد و اذا هي عجوز سمراء قد تعدى عمرها السبعين عام ( بدون مجامله ) المهم من يوم مشت بنا الطيارة حتى وصلنا محطة الوصول وهي هات يا طلبات :

جب لي مخّدات ..

أبيك تطلع لي طاولة الطعام ويوم كلت وخلصت قالت ردها ..

ما عاد بقى الا تقول غسل أيديني ..

قالت ياولدي نادهم لي يجبون قهوة ..

ناديت المضيفه قلت صبي قهوة وقعدت ترشخ القهوة العجيز يجي ربع ساعة والمضيفة واقفه عند راسي تصب القهوة ,, قلت لا عز الله رقتي الليله هههههههه

ثمن قالت ما عندكم شويهي .. جابوا الشاهي لها ,, قالت :
حط لي سكر .. قلت لها يا خاله حطي أصبعك بدال السكر .. وهي تستانس وتنبسط .. كملتها بالشاهي عاد ,, تصدقون أخلاقها شبابيه العجوز هههههه

بنظرات المضيف واذا به يناظرني ويضحك علي وعلى العجوز ,,,
وأعطيته بمثل ضحكاته .. المهم لمن وصلنا وتونى في الطيارة ما بعد نزلنا والطيارة واقفه ,, شغلت أنا الجوال قالت لي :

وأنا أمك لا تشغل الجوال قلت لماذا ؟

قالت : أخاف تطمر بنا الطيارة يقولون ان الطيارة اللي طاحت في البحرين سبب طيحتها أن واحد شغّل الجوال وطمرت بهم الطيارة ,,

حلوه طمرت بهم الطياره بنيت العنوان على قولتها ههههه ,,

المهم

جيت بأنزل قالت أقعد شوي أبيك ياوليدي ,, وقفت أناظر وش عندها طلعت من شنطتها تولة دهن عود ومسحت بها على يدي عاد ريحت الطيب تقول ريحت زيت فرامل ما ينطاق الى ساعتي هاذه وراسي صاكني من ريحته هههههههه ..

قلت لها في عرسك في عرسك ,, أسكتت وقعدت تضحك ,, ثمن حولنا من الطيارة ..


وسلامتكم ,,


ودمتم بحب ..

أخوكم : محمد ( حفيد مجمش )