مجالس الرويضة لكل العرب - وصية الطفله جواهر التي ماتت من البرد في شمال المملكه

السلام عليكم ورحمة الله وبركاته

جواهر.. طالبة الشماليه ماتت من البرد وكم مات معها من طفل ومن كبير سن ومن غيرهم من الناس الضعفاء والمعوزين والمحتاجين الذين يجب أن يقدمو ضحيه حتى يلتفت لهم .. وهاذه الابيات تحكي لسان حال جواهر رحمها الله وخلف وألديها خيراً والقصيده معناها فيها مايحتاج شرح ..

قصيده لأخي وصديقي الشاعر عبدالله بن شايع الزهيري

نقلتها لأنها جميله وتحكي هم المجتمع

اترككم مع الجمال

أنا طفله بريئه مت مـن بـرد الشتـاء والجـوع=عسى قبـري يايُمّـه عقـب ذاك البـرد يدفينـي
لسان الحال لو ينطق يقـول بصوتـه المسمـوع=أنـا ماهمّنـي الا أنتـي وبـاب يانظـر عيـنـي
أنا أدري كم بكيتو فوق قبـري حسـرةٍ ودمـوع=عسـى ربـي يصبّركـم علـى بلـواه ويعينـي
وأنا أدري ماحصل منكم قصور والعتـب مرفـوع=عن اللي ماستطاع من الغـلاء والفقـر يكسينـي
مصيبه للضعوف اللـي تكابـد والزمـان يـروع=تقَـضّ بهـا المضاجـع والمواجـع للمساكينـي
وأنا أدري مثلكم واجد وكم مفلـس وكـم مقطـوع=وكم فـي ديرتـي مـن معسـرٍ مالـه مواسينـي
صحيح إنها غنيه خيرها من كـل صنـف ونـوع=وتنعـم بالرخـاء والأمـن فـي كـل الميادينـي
توارى في عيون النـاس ياحلـم لهـم مشـروع=يعيشـه واحـد ويطيـح دون الحلـم عشريـنـي
أحد يقدح وأحد يمدح وأحد معطى وأحـد ممنـوع=وأحد ردد .. وأحـد ماهـي بتعنيـه القوانينـي!
وأحد يتعب وأحد يلعب وأحد تابع وأحـد متبـوع=وأحد يظهر علـى الاكتـاف ويـدوس الموالينـي
وأحد في عالـم النسيـان لا نافـع .. ولامنفـوع=وأحد عايش على أهل الخير وجيـوب المصلينـي
غريبه يابلادي كم على أرضك شفت قبل اسبوع !!=عجزت أبوح به حيه وبعـد المـوت .. توحينـي؟
ترى أحبك وكل الشعب مثلي لـك محـب وطـوع=ولو جرتـي ماهـوب ذنبـك ولاذنـب الميامينـي
هذا ذنب النفوس اللي طمعهـا والجشـع مطبـوع=علـى سـود القلـوب وهمّهـا جمـع الملايينـي
ويبقى الخير وأهل الخير والداعـي لهـم مفـزوع=ولو يبطون حد التضحيـه .. ويجـون عجلينـي
لكن هذي وصيـةْ .. ميّتـه ياشعبـي المفجـوع=أحملهـا ولأة الأمـر وأهـل الـراي والديـنـي
يراعون الفقـارى واليتامـاى والبـلاء مدفـوع=مع حفظ الحقوق وحكـم عـدل ورحمـة ولينـي
وتخفيفٍ على المسكيـن والمحـروم والموجـوع=أودّعهـا الذمـم يأهـل الذمـم ولحافـي الطينـي

؛

؛

دمتم بخير