| |
  |
 |
| |||||||
| صهيل القصيد مقتبسان من بحور القافية [ للشعر المنقول ] |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
11-01-2008, 10:14 PM
| |||||||||
| |||||||||
((ياكليب شب النار)) وفرز كل القصائد المتداخله معها ((ياكليب شب النار)) وفرز كل القصائد المتداخله معها دغيم الظلماوي من الشلقان من الزميل من سنجاره من شمر له القصيده المشهوره بالقهوه ومطلعها: ياكليب شب النار ياكليب شبه000 وقد جاراها العديد من الشعراء حتى بلغت القصائد ست فتداخلت فيما بينها لتشابه القافيه والموضوع ولعلي احاول توضيح الكل انشالله والبدايه بقصيدة الظلماوي لانها هي السبب فقد قال: ياكليب شب النار ياكليـب شبـه عليك شبة والحطب لـك يجابـي وعلي أنا ياكليـب هيلـه وحبـه وعليك تقليـط الـدلال العذابـي وادغث لها ياكليب من سمر جبـه وشبة الي منه غفى كـل هابـي باغـي ليـا شبيتهـا ثـم قبـة تجلب لنـا ربعـا سـراة غيابـي بنسريـةً ياكليـب صلفـا مهبـه لاهب نسناسه تقـل سـم دابـي سـراة بليـل وناطحيـن مهبـه متكنفيـن وشوقهـم بالعـذابـي الوالمـة ياكليـب عجـل بصبـه والرزق عند اللي ينشى السحابي صبـة لقـرمٍ صرفتـه ماحسبـه يوم البخيل مكنهب الوجة هابـي وصبة لمنعـورٍ ليـا جـاة نبـة يرخص بعمره والدخل لها ضبابي وعدة عن اللي مايداري المسبـه اللـي يـدور بالقصيـر الغيابـي عن الطيب عده نازلا لـه بغبـه يضرب علي درب الخطا مايهابـي لا باطن الهلباج خطـوا الجلبـة يا حلو خبط عصيهـم بالركابـي أطمر لهم وأبدي سـلام المحبـه لا جو على هجناً يديهـم خرابـي سلام أحلى مـن شخاليـل جبـه وأحلى من السمن الجديد العرابـي مع كبشً مصـلاح راسـه نجبـه لا أدبـر الهيـن متيـن العلابـي خطو الولد يـوم الملاقـي نكبـه يأتي علينا من حسـاب الزهابـي وحتى أيش لو يلبس وبينن وجبه معيـرة علـى غضيـر الشبابـي أنا لقيـت الصبـر يازيـن غبـه يرقيك رؤوس مشمرخات الهضابي من لاصبر ياكليب في حكم ربـه هذاك يوم البعـث مالـه ثوابـي يقولها اللي مـا حسـب المسبـه ولا عرقل الاجواد ببعض الهلابـي هذا هـوى بالـي وهـذا مطبـه من قبل مايسفى علينـا الترابـي هذي قصيدة الظلماوي اللي تعتبر سبب تعدد القصايد على الطاروق هذا وذلك لكون احد شعراء شمر المشهورين والمقربين من ابن رشيد غار من الظلماوي وهناك من قال انه ماهو هو اللي غار وانما شخص اخر وشرط له فلوس اذا شتم الظلماوي ففعل بقصيده ضائعه ومنها: ياحسين شب النار ياحسين شبه بقصيصتن مابه دبيبن ودابـي والا اخو ظلماء لو دلاله يشبـه يذكر لنا دونـه ثلاثيـن بابـي قهاوي عند العرب ينصب بـه ماهي قهوتك ياعريض العلابي يقصد ان القهوه عند البدو ماهي عندك يالحضري لكون الظلماوي كان في بلدة قفار ساكن0 وهناك من الرواة من زعم ان الظلماوي رد عليه بقصيده منها: يا حسين دلوك ما تعدى المصبه من الحوض زلت زلفة بانكبابي جعله بديرة ٍظالمن مـا تحبـه تاتي ذلوله بس علمه يجابـي يا حسين خذ علمي وبالك تكبه افهم نبا من هو عطاك الصوابي الموت يقعد لك ومالـك يكبـه لو ان مالك كثر طش السحابي وهذا بعيد لعدم معرفتنا ابدا بهذه الابيات وكذلك اقارب الظلماوي ورواته كما ان الظلماوي مشهور عنه عدم الرد على اللي يتعرضه 00 فربما تكون الابيات لشخص ممن جاراهم في ذلك الوقت ولم يشتهر لاني رايت الابيات يوضع بها ابيات من القصائد الاخرى التي سأذكرها الان00 فكان اول المدافعين عن الظلماوي لبيد المتينه البلاز الشعلان الرويلي فقال مدافعا عن الظلماوي ضد من هجاه قصيدته المشهوره والتي كثيرا ماتتداخل مع بعض الرواة هي ومثيلاتها بالقاف : يادعيس شب النار يادعيس شبه بين القطوب وطارف البيت نابي وقلـط ثلاثـن معتنينـن بربـه مبرقعاتن عـن دبيبـن ودابـي يحوفهن رجلـن بعيـد المسبـه بعيد عن طرق الخطا والسبابـي فنجالهن يوم المقهوي لعب بـه يشبه خضاب مفلجات الخضابـي اليا اشلهبت نارهـن ثـم قبـه تجذب لنا ربعن سراتـن غيابـي بنسريتن يادعيس صلفن مهبـه الياهب نسناسه تقل سـم دابـي اليا بركن حطوا على النار ضبه عقب الصرد لما تجـف الثيابـي واسرع لهم باللي على النار صبه وايمر لهم باللي سريعن يجابـي واذبح لهم كبشن عريضن ملبـه ونكمل الباقـي حـلاوة جوابـي العبـد مالـه مدتـن دون ربـه ولا مد الا مد منشـي السحابـي والا دغيم مخطـي مـن يسبـه ماقيل هون لو هو انحى وشابـي لو هو من العدوان قلبـي يحبـه اللابة اللي ماذكـر بـه خيابـي يذكر لنا عنـد الضياغـم مربـه وساع الطعون وملقمين الحرابي وهي قصيده تعتبر من اروع القصائد لكونها تحتوي على معاني رجوليه ومحبه للطيب والصخى ولاهله ايضا حتى لو كان خصما وذلك في مثل قوله ( لو هو من العدوان قلبي يحبه ) وتعطي درسا لجيل اليوم من القبيلتين ممن تأثروا بمنافسة عنزه وشمر في السابق على الطيب والمرجله وتوضح لهم انها كانت بسبب طيبهم هذه المنافسه وانهم انفسهم كانوا يحترمون بعضهم ويعترفون بالطيب لبعضهم البعض00 ثم قصد الشاعر ابن ثويني من سكان ( قصر العشروات ) الواقعه جنوب حائل حوالي عشرين كيلومتر وكان اميرها ( القبالي ) لذلك نسبوا هذه القصيده للقبالي لكونهم يقولون راعي القصر فيتبادر الذهن انها للقبالي التميمي والصحيح انها لابن ثويني فقال : يا علي شب النار يا علي شبـه ليا مال في بمشرخات الهضابـي وادغث لهم ياعلي من رمث خبه قلـط ثـلاث لونهـن كالغرابـي حنكيـة ٍ ماتنجلـي لـو نربـه بلغودها تلقى سنا النـار صابـي يا اللي تقول النار كلـن يشبـه الفرق بالمنبـى وليـن الجنابـي زادك وميسورك وليـن المحبـه أخير من كبشن سمينـن يجابـي ان سمح الباري وسانـع مهبـه نقضب مكان الشايببين الغيابـي باغٍ اليامن من السنين اشلهبـه وجو مفرغين محتتين الزهابـي اظهرت للعطشان فـرغ المصبـه لزمالته بارض الخـلا لا تهابـي دنياك ما عمّر بهـا كـود ربـه الواحد اللي واعـدك بالحسابـي المدح دربـه هيّـن ٍ والمسبـه والطيب وعرن والمراجل صعابي وش عاد لو لك غرسةٍ تقل غبـه دبسه تشوفه مع عروض الجوابي ما تنهج الا فـي ذراعيـن خبـه وخمسك ومامدت يمينك يجابـي طيبي وطيبك بين رجليـك كبـه لاجت بهم فاللـد لـك والهبابـي الضيغمي حـاز المراجـل بعبـه وحنـا نلقـط ماوقـع بالترابـي ثم قصد الشاعر بدعي ابن سمحان السلماني الشمري وهو من فحول شعراء الزميل وشمر بشكل عام وقيل ان الظلماوي ارسل له ينخاه بابيات منها: انخى الزميلي مسندي وابن سمحان والمغفلي واللـي يحامـي عليـه للي علـى دقمـه بشـره تبـلان لاله علي شـي(ن)ولا لـه جنيـه الا ان الرواة المقربين انكروا معرفتهم بهذه الابيات وقالوا ان الظلماوي لو رغب في الرد عليه لكان رد هو بنفسه دون الحاجه لنخوا احد يرد عنه00 والابيات اخذتها انا نقلا عن عبدالله بن حمود السمحان وهو من عائلة بدعي بن سمحان واعرف الناس بشعره وربما ان اقارب الظلماوي لم يطلعوا على الابيات لكونه ارسلها بسرعه ولم يذكرها لاحد00 خاصة ان ابيات بدعي تفيد في مطلعها ان الظلماوي نخاه لانه يقول: جاني جوابن من رفيقـن ينبـه دغيم ينخاني قال رجلن حكابـي دب(ن)سمينن رابي(ن)له بغبـه لايزملـك لاياعزيـز الجنابـي لو كان يقرى الزلزلة هي وتبـه ماكان من يمك يحـث الجوابـي قهوة الامير محمدن ينصب بـه وش عاد لو دونه ثلاثين بابـي وهل الصفاة وحضرنا اللي بجبه هل البيوت اللي تشادي الهضابي كل(ن)قهوته تعجبك لـو تطبـه ولو هو ضعيفن للندى مايهابـي ورفيقك يادغيـم عرفنـا لطبـه عرض وانا لاجلك قضعته بنابي انا بعينه تقـل ملحـن وشبـه يادغيم دون ربوعنـا مانهابـي ومن قال دادا جعل رمحن يدبـه مضرابه الابهر غميق الصوابي وتركت بقيتها ثلاث بيوت عمدا00 وقوله (هل الصفاة ) يقصد اهل بقعاء وجبه معروفه هي واهلها وطيبهم الله يسلمهم جميع00 وقال سعد بن مسعد الايداء العنزي قصيده يجاريهم ايضا: يا عيد شب النار يا عيـد شبـه قلّـط دلالٍ مكـرمـاتٍ تعـابـي واسمك ركون البيت واذروا مهبه ان هبت الشمطا علينا انحطابـي اقصر بماها ثـم زيـدوا بحبـه يصبغ على الفنجال لون الخضابي درها على المجلس بلطف ومحبه فنجالها يجلا عن الوجـه غابـي يديان شيختهـم بـالادوار عبـه اهل بيوت ٍ مثل لـون الهضابـي نصبر على نقل الخسـارات دبـه أول الى التالي شيـاب وشبابـي انهب من الدنيا قبـل مـا نكبـه ومن قبل ما يرجد علينا الترابـي وهكذا تتوضح القصائد وهي ست قصائد كالتالي: الظلماوي-رد الظلماوي المنسوب-رد ابن بلاز العنزي-رد ابن ثويني=رد بدعي بن سمحان -رد الايداء00 منقول
 |
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اجمل القصائد | سمو الاحساس | صهيل القصيد | 12 | 12-11-2009 06:55 PM |
| ضبط فتاة ابتزت شابا وطالبته بالخروج معها | محمد | احتواء ما لا يحتوى | 8 | 05-11-2009 07:00 PM |
| 250 درس فوتوشوب وفلاتر منتقاه وفرش وستا يلاتـ واكشــ نــ وتــ درجــ اتــ ولحقتهــ ا | تركي عفيش | قسـم الــدروس | 21 | 21-08-2008 04:03 PM |
| نفرش الورد لقدوم / الإنسان / | محمد | مرفأ البداية وروح التواصل | 8 | 13-09-2007 08:40 PM |
 |  |
العرض الشجري
