مجالس الرويضة لكل العرب - عرض مشاركة واحدة

#1 (**permalink**) 31-08-2013, 12:01 AM

طاحت مراسيل الوله عند بابك
ارجع وتلقى فالحروف التفاصيل

تلقى ثراي اللي يحن لسحابك
صابه جفاف ولا انتشى بالهماليل

تلقى الوفا تلقى الهوى اللي سما بك
تلقى الالم ينساب مثل المواويل

الشوق ياخذني لحضرة جنابك
والدمع طاح ولا لقى له مناديل

حبيب عمري كيف ابقوى عذابك
وكيف اتصبر فالليال المقابيل

ودي أسولف جعل يسلم شبابك
واقول احبك والمحبه غرابيل

يا سارق قلبي وقلبي رضى بك
ليت العذاب يروح لا روّح الليل

خذني معك لو صفحة في كتابك
او ضمني وسط العيون المظاليل

تدري وش اللي هزني في غيابك؟
انك بعيد وما تجيبك مراسيل