02-10-2011, 12:42 PM
|
| |
انت الطبيب
اقرا الرسايل واتذكر لياليك
واطالع الصوره واعيد التفاكير
واقول ليته حاضرك مثل ماضيك
واقول عسى الله يذكرك بالخير
طيفك معي يازين ماني بناسيك
حتى لوانها بعدتنا المقادير
عهدٍ عليه مايجي يوم اجافيك
ياراس مالي من جميع المخاسير
اعيد ماقلته على شان طاريك
سوالفك يامنوه الروح لي غير
لبيه من قلب ٍ يحبك ويغليك
ولبى الديار اللي بها رجلك تسير
بعدك تراني عرضتن للتهاليك
وضعي تعرفه مايبي زود تفسير
مادام طب الجرح يازين بيديك
عالج جروحي جعلها عنك تكفير
انت الطيب وجاك هاضل يناديك
الوضع عاجل مايبي زود تاخير
هذي علوم اللي له سنين شاريك
عبر عن اللي داخل القلب تعبير
هاضل السبيعي
|