26-08-2011, 02:49 AM
|
| |
الجادل
الجادل اللي يمـر القلـب شارعهـا
بيـن الحنايـا تعـدّى ماتطالعنـي!
تقفي مـع الـدم بعروقـي واتابعهـا
واحس كنْها على نفسـي توزعنـي
قامت تبعثر غلا..وان جيت أجمّعهـا
أضمّهـا وآتشتت..ليـن تجمعـنـي
بيـن الحنايـا تثنّـى فـي مرابعهـا
كنْها تقـول أتحـدى مـن يطلّعنـي!
دام الحشـا بيتهـا وأنـا مدلّعـهـا
وش دخّل القلب يزعل يوم توجعني؟
وليا خـذا رمشهـا رجـلٍ يطالعهـا
لعـل رمـشٍ خذانـي مايرجّعـنـي
عيونها جيـوش والنظـره طلايعهـا
غارت بصدري وجاز لسيفها طعنـي
ويوم انْكفت..لين قلبي مـن قلايعهـا
والصبر عن خافقي ماعـاد ينفعنـي
مدهالهـا القلب..وعيونـي مراتعهـا
أموت فيها..وهي للريـح تزرعنـي
لو تدري الريح عن هادي طبايعهـا
ماهزّت غصون قلبي..ليـن ودّعنـي
ريحانتي والغـلا فالقلـب زارعهـا
تشرب عروقي وترواني..وتشبعن ـي
كنّ النحل من رحيق الورد مشبعهـا
وانا شموخي من أحلى شي جوّعنـي
ولياتعانـق خجلهـا مـع تواضعهـا
عانقت ليلٍ علـى مسـراه شجّعنـي
لو ينسـرى ليلها..سريـت بايعهـا
بشر...ولا الله عن الزلّـه مرفعنـي
واصبحت من عقب ماني ضدّها..معها
ان ضاعت آضيع...وان دلّت تسنّعني
وان شفت بالعين قلبي بين أصابعهـا
سـجـدت لله....يالله لاتضيّعـنـي
وان جات للجد واسقتنـي مدامعهـا
علّمتها الدمع للعشاق...وش يعنـي؟
الدمع صوتٍ ليـا غـازل مسامعهـا
تشوف صوتي واذا مرّيت تسمعنـي
والله ماكنت أطاوعهـا ولا اسمعهـا
لكنّـه الحب!!...سمّعنـ ي وطوّعنـي
للجادل اللـي شرايينـي شوارعهـا
القلـب يقتادني...والنف ـس تمنعنـي
|