ياعزرت الي حظوظه بيحت سده
عايش ولاهو بعايش مثل الأمواتي
من وين ماطقها ترجع على خده
مهما يحاول ترى في كل وجهاتي
حتى ولوهو تعزوى دوم في جده
ماينفعه كود ركعه من صلاواتي
هاذي مقاسيم رب الكون في عبده
مهما يحاول يسوي جهر وسكاتي
ياطيب رجلن يسد اللازم وقده
يستاهل أعجاب ربعه والتحياتي
أقصد بمعناي رجلن عنده وعنده
القدره الكافيه في كل حاجاتي
واللي تنحى عن الواجب ولاسده
عساه روحت مقيط فكل حزاتي
الفرق واضح مابين اللين والشده
واللي مسافر ترى لابد مايأتي
ومن يزرع الحقد بين الناس من حقده
ماالله موفقه جيه ثم روحاتي
الهم والغم والطاعون في كبده
هذا فدنياه حي ولابعد ماتي
وسلام للي خدوده كنها الورده
من شوفها تظهر الونه وآهاتي
والخشم كنه سوات السيف من حده
والعين صاروخ يضرب فالحكوماتي
والشعر هايل سوات البحر لاكده
من شوفته يرعب العشاق بالذاتي
أيصيبك الخوف والهشاش والرعده
أليا تعدى وناظر فيك لفتاتي
والجسم مرغوب من رأسه ليا زنده
ودك تطالع بزوله كل لحظاتي
تدرون منهو وليفي ياعرب جده
سحر المخاليق عايش فالأماراتي
الشاعر/أبو بجاد العتيبي