08-05-2011, 04:37 PM
|
|
تعبت تعبت عقب ماكنت أحس ان التعـب راحـه
سهرت ومالقيـت إلاهمـوم الليـل أباريهـا
صبرت وضيع الصابر فرج صبره ومفتاحه
رجعت أكتب على اوراقي خرابيطي وأسميها
تعبت لو حر شرهتها بوسط الجوف ذباحـه
وصرت كالمستجير برملة"ن" من حر صاليها
ألا يامصعبه وقت" ن" عليـه زادت رماحـه
وأنا اللي رحلتي طالت ولاادري ويش تاليها
مشيت بأتجاهات العصـر بعيـون لماحـه
وقمت أسابق الخطوه قبل تخطـو وأمشيهـا
وكنت أعكس عقاربها وأسيرها على الراحه
وأذا بانت مناخرها بهـا الرجليـن أوطيهـا
وكنت أمني نفسي بقول هي غيمه ومنزاحـه
ولكن أبطت وضاقت عسى المولـى يعديهـا
كبرت وزادت حمولن على المتنين مرتاحـه
أروح يمين والا شمال وين مااروح أداريها
وشفت اللي يكابدها بعرق جهده وبكفاحـه
تجي سهله في يد غيره ولا كنه تعـب فيهـا
حسافـه ياعبـارات"ن "عصاميـه وفلاحـه
كلام"ن" ينطق ويقـرا ولايعكـس مباديهـا
ولقيت البوح مااقوى على نسفـه بمساحـه
وقلت أكتب على كيفك وانـا منـي بوديهـا
تعبت أول عواقبها ابعلنهـا علـى الساحـه
صغرت بداخل عيوني وانا اللي كنت مابيها
م ن ق و ل |