جاني وانا في وسط ربعي وناسي
جاني نشلني مثل ما ينشل الناس
....
مني نشل روح تشيل المآسي
تشكي من ايام الشقى تشكي الياس
....
اثر الالم في سكرة الموت قاسي
ماهالني مثله وانا انسان حساس
....
جابوا كفن ابيض مقاسه مقاسي
ولفوا به الجسم المحنط مع الراس
....
وشالوني اربع بالنعش ومتواسي
عليه ومغطى على جسمي الباس
....
وصلوا علي وكلهم في مآسي
ربعي ومعهم ناس من كل الاجناس
....
ياكيف سوا عقبنا تاج راسي
وامي الحبيبه وش سوى بها الياس
....
اسمع صدى صوت يهز الرواسي
قولولها لاتلطم الخد ياناس
....
قولولها حق وتجرعت كاسي
لاتحترق كل يبي يجرع الكاس
....
اصبحت في قبري ولابه مواسي
واسمع قريع نعولهم يوم تنداس
....
من يوم قفوا حل موثق لباسي
وعلى رد الروح صوت بالاجراس
....
هيكل غريب وقال ليه التناسي
صوته رهيب وخلفه اثنين حراس
....
وقف وقال ان كنت يانمر ناسي
هاذي هي اعمالك تقدم بكراس
.....
ومن هول ماشفته وقف شعر راسي
وانهارت اعصابي ولاارد الانفاس
.....
ياليتني فكرت قبل انغماسي
الغفله اللي منتهاها للافلاس
.....
وفزيت من نومي على صوت ناسي
واصرخ واقول الموت وأحذر الناس

\
وبعدها بفترة قصيرة حضر إجتماع للأعضاء مجلس منطقة المدينة المنوّره وبعد إنتهاء الإجتماع