رح فمـان الله .. والذمـه مـن الذمـه بريـه = لا تخاف من المفارق .. رح عليـك الله وامانـه
رح .. بعيد ابعد من الدمعه على العيـن الخليـه = رح .. بعيد ابعد من الشرهه على مزح الميانـه
وابعد من الحلم .. للي خاب ظنـه فـي خويـه = وابعد من اليأس .. للي طاب حظه فـي زمانـه
لو تروح ابعد من حدود السماء .. والجاذبيه = والله ان تبقى قريب .. اقرب من القلـب لحنانـه
تنتشر فيني شتات جروح .. مثل الروح حيه = تختفي في كل عرق .. ولا فقتدك قال : عانه
يا بعد عذر الفراق .. اللي قبل فرقا الخطيه = يا بعد ذنب الزمان .. اللي قبل عذر الخيانه
ليله وداعك ..علـى كثـر الحـروف الابجديـه = مالقى من ودعـك .. حرفيـن ينطقهـا لسانـه
ليلة فيها انت !! .. ماكنت انت .. هي ماهيب هيه = ليلة يكرم بها من حبها قبل .. امتحانه
قلت لي : بانساك .. قلت : الله يهنيك وهنيه = واحداً خلاك من رباك .. تنساني عشانه
قلت لي : قلبك لا ينسى .. قلت : ليت القلـب فيـه = دوره وليـا لقيتـه وصــه .. ورده مكـانـه
وص نفسك .. ولا انا مانيب في حاجـه وصيـه = واعتبر فرقاك امانـه .. والله الله بالامانـه