السلام عليكم ورحمة الله وبركاته
هذي ابيات مختـاره لشاعر كان بعيدا كل البعد عن الاضواء الاعلاميه
شاعر كان يكتب في مجلات .تحت اسم محمد بن حمد ,,,
شارك في شاعر المليون النسخه الاولى وحصـل على اللقب بكل جداره
بدايتـه
حينما سئلوهـ متى كتبت الشعر يامحمد ...؟ كانت بمرحله الاعداديه...وكا نت رد على بيتين سمعها من احد اصحابه ولايعرفون قائلها (اعلان للي مابعد جرب الحب ...يترك طريق الحب قدر استطاعه)
(فيه الهناء ياتيه ساعه ويذهب... وفيه العنا ياتيه في كل ساعه) كان رد شاعرنا
(اعلان للي مابعد جرب الحب ..يسلك طريق الحب بس بشجاعه)
(فيه الوفاء والغدر والصدق والكذب ... وفيه الفراق وفيه شوق اجتماعه)
(حظك على حظك تشجع وتجرب ... ان صبت ولا غير تاخذ مناعه) كآنت هذهـ آولـ ابيات يكتبهـــا الشاعر محمد بن فطيــس
كون له قاعدهـ جماهيريه لا يستهان بهــا واطلق عليه من بعض الشعراء ...
لقب (المحيط الهادي)
واليــوم اقـدم لكـم بعض من ابياتــــه وآتمنــى ان تحوز على رضائكم واستحسانكم
فقد خاطري شـي ٍ مـن الضيقـه مسلّيـه
وغدت روحي من النـاس والليـل هجّاجـه
يحب الجريح آخـر دروب اللقـاء ويجيـه
وتحـب القـدم جيّـة مكـان اول مواجـه ..
والله لون حمل صبري فوقك..ان تبرك
والله ولو تعتذر منـت بعلـى خبـري
ان ما جبرك الغلا ما اقدر على جبـرك
ياللي على ارض الوفا ما شبرك بشبري
تزعل وترجع وتلقانـي علـى خبـرك
وانا انكسر لك واجيـك ادوّر لجبـري في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد
اقهـر الضيقـه بذكـراك مـن حيـن لحيـن
وانثر دموعي على الوصل مـن عيـد ٍ لعيـد
افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد
ياليتنـي مـن قبـل لا احبـه اقفيـت
والا ان دروبي عـن دروبـه تناحـت
اهون علـي مـن البكـا والتناهيـت
واشلا من سدود ٍ على النـاس باحـت
عرفت كيف الحي يفرق عـن الميـت
وعرفت قيمـة نعمتـي يـوم راحـت
اللي لي انـك تليـن وتتـرك الشـدّه
واللي لك اني ما سولف بـك لهراجـه
زعلة تغلي ومـن تزعلـه مـن قـدّه
ما دام كـل ٍ يبـي دربـك ومنهاجـه
غالي وتبخل علـي وتطّـول الصـدّه
الله يسامـح غـلاك ويلعـن الحاجـه
ياعيـن لا تبكـيـن وعيـونـه تـنـام
عادك الى ما خـاب ظنـي بترضيـن
لـو الدمـوع اتفيـد فـادن الايـتـام
ولـو الكـلام يفيـد عـادت فلسطيـن
ولـو النبـاات يطّلعـه دمعـة هيـام؟
شفتوا علـى وجهـي ورود وبساتيـن
تدري وش ابيض من خفوقك؟؟...عباتـ ك
وتدري وش اللي غرني؟؟...نظرتي فيـك
وتبغـي تناظـر وانـت عايـش مماتـك
شف وحدتـك والنـاس تجلـس حواليـك
وتبغي تشوف اشجع رجـل فـي حياتـك
شفني......وانا راحل...على كثر ما اغليك
كانك مشكك في الوفـا والغـلا هـااك
جوالـي اقـر القائمـه كـل ابيـهـا
رقمك مع الصـادر ولا وارد اسـواك
والناس في اللي ( لم يـرد عليهـا ).
وايـاك واياني...وايـان ـي ايــاك
من غيبة (ن) من دون عذر يحميهـا
وانت شكلك تحسبنـي فـي نعيـم
لنـي اخبـي صوابـي واستـره
ولاتحسب الجفن من دمعه عقيـم
يستحي منك والى اقفيـت انثـره
ولايغرك وان بدا جسمـي سليـم
والله ان جسمي سـوار المقبـره
والله ان احر مـن دمـع اليتيـم
دمعة الرجـال مـن فرقـا مـره
يفطر عليك القلب وان فارقك صـام
والله لونك شـوك سـدره كليتـك
طعتك وزبدة طاعتـك هـم وهيـام
مالله كتب لي واستخرت وعصيتـك
لوللقلـوب اسـواق بايـع وسـوام
لاابدلـك وان جيتنـي ماشريـتـك
يوم كـان اسمـي محيميـد اتحمّـد
كان مسموح انظره وارقـى لسـوره
احذف الكـوره علـى بيتـه تعمّـد
لجل اجي واقول ماحد شاف كوره !!؟ فاجئتنـي بمفـارقـك مــا تولـمّـت
كـذا بـدون اسبـاب عنـي تغـيّـب؟؟
مامـت مـن فرقـاك لكـن تألـمـت
وراسي مشيّب لو مـا راسـي مشيّـب
اضحك واسولف وان لحقني سهر نمت
لـكـن قـسـم بالله مـانـي بطـيّـب
سولفـوا تكفـون لاعـد تسكتـون
قبـل لا اهوجـس وياتينـي بـلاي
السكـات يـزوّد طعونـي طعـون
وتنكسر لا جا على راسي عصـاي
سولفوا لـو مـا بغيتـوا تسولفـون
قبل لا اقعد في الحزن رايح ..وجاي
لا تحسب ان دمعي نـزل دون سبّـه
ابكي من الفرقا وهـي مابعـد جـات
تحيـــاتي لكم