مجالس الرويضة لكل العرب - عرض مشاركة واحدة

#1 (**permalink**) 01-12-2010, 01:39 AM

مساء الشعور الي ضوى و اعتراني ..
واللا الغياب و لهفتي لا وصلتك ..,

واللا الوله .. و اللا الشعر .. و الأغاني ..
واللا الحنين .. وضيقتي .. لا ذكرتك ..,

***

مدخل "

يا الطريق اللي لك ايدين الغياب تلوّح"
مدري لية اهرب لك اليا ضقت من احبابي.

اسمع ارصفتك تمجّ الحكي روّح روّح ..
والبس من الذاكره وجهك و أفلّ أعصابي

****

لو كل حكي ٍ يجي في خاطري قلته .؟!
ماشفت بعض الكلام يجرّح لساني .!!

تركتني بالغياب المرّ واسئلته .!
ماقلت لي قبل [ ترحل ] وين ابلقاني .!!

كل درب يمكن يجيبك ماتجاهلته .!
كل درب جابك علي مر وتعداني .!!

طاح بغيابك رجل واقفيت ماشلته .!
ياكبرها بعين اصحابي وعدواني .!!

حتى مكاني على روحي تـثاقلته..!
لاجيت اسولف على جرحك و حرماني .!!

احيان اخونك واحس بـ شيّ : كملته .!
واحيان مدري من اللي خاين الثاني .!!

ضيعتني فيك : حزني ماتشكلته .!
لاغرّد الخووف من وجهي على اغصاني .!!

كم انتظرتك على وصلك ولا طلته .!
ملت دموعي بغيابك تطرق احزاني .!!

ياصاحب الجرح عذرك ماتحملته .!
لاتكتب الموت بعيوني وتقراني .!!

طالبك ابقى [ مثل ] اي شخص جاملته .!
يمكن تحس بعذابك لاتقهواني.!!

[ انا ] . ؟؟..

... بكيتك عمر والشووووق سيّـلته.!
محتاج تبكي معي [ مره ] على شاني. !!!

تركي عواد

***

يوم ..المساء ..صافح ..مع الوجد ..لوعي
............... ......... صحّيت ..مجنون.. الخيال ..وسريتك

في ..ليلة ٍ..فانوسها .. من ..دموعي
............... .... حكيت ..جرحك ..ثم ..سكتت ..وحكيتك

ولا ..دريت ..الا ..برعشة ..ضلوعي
............... .............. تكتب على وجه الليالي ..ضميتك ..

جرعت ..من ..صمتي ..وسديت جوعي"
............... ..... ليتك ..جرعت .. الصمت ..لحظة شكيتك ..

لو ..يُشترط لقياك ..في حب ..كوعي,,
............... .............. كسرته ..وحبيت راسه ..وجيتك..!

أو ..ليتها .. فزعه ...وأفزع ..ربوعي
............... ............ حرام لـ تلقى ..الطنايا ..فـ بيتك

بس ..البلا ..هالوقت ..ماهو ..بطوعي ..
............... ..............ك ثير ..في ..بخله ..كثر ..ماعطيتك !!

اليوم أنا ..طااااااايح ..وطاحت ..دروعي
............... ..... وآخر نفس ..ناداك ...لاااااااااا ..مانسيتك !

صحوي الاسلمي ...

**

ياعين لو طال السهر ماظنتي حولك منام!
الهم جاني مبتداه ورحمة الله شامله

تلعب بي الدنيا وأنا كنت أحسب أن الحظ قام
الله يعوض خير في جهد الأيدين العامله

مثل العقيم اللي رزقه الله ف أحلامه غلام
من فرحته ما فارقت راس الغلام أنامله

ماتمت الفرحة وراحت روحه في سن الفطام
الله عطا والله خذا فرحة ولاهي كامله

أقدار سوت بي سوات الشلف عجلات الولام
تبطش ويبطش فالحشا صيب الجروح الدامله

والحظ مايسمع ولا ينطق ولاعنده نظام!
أظن لو يعرف شقا راعيه فز وقامله

ما فات مات ويبتدي مادام لي شف ومرام
دام الأمله موجود ف قلوب الوجيه الآمله

اللي زرع يحصد وانا بالنور واجهت الظلام
واللي يكرر غلطته بانت عليه الخامله

ياسيف انا سقت القدم يمك ولا فيها كلام
خل النظر حول النظر تلقا علومي صامله

الذيب ما هرول عبث والطق فالميت حرام
والحر تكفيه الإشاره لابغيت تعامله

أنا ما أسج الرجل للي يرتخي وقت الزحام
أسجها للي علومه طيبه وأزامله

لا من صحبنا ما صحبنا إلا رفعين المقام
الكير نحرب نافخه والمسك نصحب حامله

ما هانت العشره يا أخوك إلا على عيال الحرام
اترك سميلات الجداد البس اجداد السامله

اللي مايعنيني مايعنيني ولا أعطيه اهتمام
كوامله نواقصه..نواقصه كوامله

قلنا ذلول حزام مردوفه وزعلنا حزام
يحسب ذلول احزام له مدري يحسب احزام له!!

أقدام سيقان النعام اتأثر بروس النعام
أثر النعامه راسها لا طال تصبح ثامله؟!

حمل الرسايل والمسافه فوق جنحان الحمام
الطير بالمكتوب حايم للطون ما حام له

روس الحبال معقده مابين جوخ وبز خام
الموقف الغصاب سلم لي على قرامله

الطيبين مصدرين العلم قصاص العظام
الطيب لو ما جاوله جاهم يغني زامله

وإن ضاعوا أهل المعرفه قلنا على الدنيا السلام
أصل الأصايل يحتويها ماتعود هامله

يعنها اللي فاللقا ضاري على ورد الحيام
يزعزع البيدا ولا جار الضما في زامله

وكان الزمن عيا يطيع فخلها راس وسنام
وأخوك من بعد التعب عبر ابتسامه جامله

عبدالله بن عماره

**

طيوف أحبابي بعيني .. تناعوا
ونمت البارحه .. ماغير اهذري

وحلمت اني مع ناسٍ تشاعوا
والا (مجنون ليلى) .. جاك يجري

يقول : (اني أنا العذري فراعوا
كفاكم ايّها العشّاق .. غدري)

شوي . الّا هواجيسي تداعوا!
ورحت انشد ( الا ياليت شعري )

والا ياليت .. ماشلوا وزاعوا
مواييل الوداع الصبح بدري

والا ياليت .. ماكالوا وصاعوا
ولا حلوا هنيّا .. وسط صدري

والا ياليت .. ماشبعوا وجاعوا
عيوني .. واحفروا بالهجر قبري

ولا بالقيظ .. رجليني تساعوا-
لهم ..وزهابي جروحي وصبري

وكم لوّامتي قالوا واشاعوا
واذا مايدري (المجنون ) يدري ـ

ـ انا (ياقيس ) لو رجعوا وطاعوا
غرامي ماغدي شرواك عذري

تعبت .. اشري رضاهم لين باعوا
رضاي ولا بقى .. صدرٍ لعذري

رموني .. واطعنوني .. واستطاعوا
بغمضة عين .. يكووونني بجمري

غدوا ..يوم اجرحوا قلبي ولاعوا
وانا من عقبهم .. قفيت اهذري:

( اضاعوني وأي فتىً اضاعوا
ليوم كريهةٍ .. وسداد ثغرِ )

محمد الدحيمي

**

مخرج :
مساحات الفرح تصغر ولا يبقى سوى..{ همي
وضياع احلام وفراق(ن) ترگ في داخلي برگان..~

تعبت استوهم الفرحه تعبت ابگي على حلمي
..تعبت اوقف على اطلاله وادورله على عنوان..~