اللـيـلـه .. الـضـيـق والـلـوعـات والـعـبـره

تخنقني شلون ؟ مدري .. بس تخنقني

الليـلـه .. الـحـب يـحـفـر بالـحـشـا قـبــره

والــبــال مـشـغــول والتـفـكـيـر يـحـرقـنــي

الليله .. الطـرس فـاض بـمدمعـه حبـره

وهـــذا هـــو الـلــي يجمـعـنـي ويسـرقـنـي

الليلـه .. الكسـر مايـمـدي عـلـى جـبـره

والـقـلـب مـكـســور والاحــــزان تـطـرقـنـي

فـارقـنـي الـلــي طـيـوفـه تــدعــي صــبــره

من مطلع الصبح ليـن العصـر فارقنـي

ادري..مطيحي بـعين الشعر وشـكبـره ؟

وادري..خـفـوقـي تـركـتـه بــــس نـطـقـنـي

سـتـرت جرحـي..وشـوف اللـيـل يخـتـبـره

خاويـت عيني..وشـوف الدمـع غرقـنـي

نسيـت ناسـي عشانـك ويــش تعتـبـره ؟

سرقت صبحـي عشانـك ليـه تزهقنـي ؟

كـم مرتـن شلـت جرحـك .. ول ياغـبـره

حـتـى جـروحـك لـحــد الـحـيـن تعشـقـنـي

والحيـن..! قلـي رجيتـك وشـهـي الـدبـره

وانـتــه بـطـيــف الامــــل دايــــم معـلـقـنـي

الليـلـه .. الـحـب يـحـفـر بالـحـشـا قـبــره

والمـوت قـرب..! وهـو الحـيـن عانقـنـي