أثر الأذن تعشق قبل تعشق العيـن=عاشقته إذني قبل اشوفـه بعينـي

ومن بعد شوف العين حبوه الأثنين=الأذن و العين أصبحـوا عاشقينـي

وقلبي عطا خريمتن بيـن ضلعيـن=من يوم شافـه كبنـي مـا يبينـي

ناداه بالطرف الحـور والحجاجيـن=وناديت قلبـه ميـر عيـا يجينـي

الفرق واضح في قلـوب المحبيـن=قلبن يجـي ليـن و قلبـن متينـي

نهبت قلبـي يـا زعيـم المزاييـن=أرجوك رده باسطـن لـك يدينـي

أنـا بليـا قلـب وأنتـه بقلبـيـن=ماهيـب فـي شريعـة المسلمينـي

أما أنت رد القلب يا كامـل الزيـن=وألا أقسمه نصفين بينـك وبينـي

يا عود موزن ناعمن بين غصنيـن=لا هبتـه عـذب النسايـم يلينـي

غاشيه ليلن فاضحه بدر عشريـن=ومن تحت نـور البـدر تفاحتينـي

ونجلن عليهن مثل وصف الهلالين=من شافهـن لازم يبيـح الكنينـي

لو لد بالخدرات فـي عالـم الدِيـن=هزه على لامـاه شـوق وحنينـي

ومن عقب تدريس الفقه والصححين=أصبح يجر السامـري والهجينـي