ليتك تحس بلوعة الشـوق فينـي=حتى تعرف القلب وش كثر يغليك
ياللي سكنت العين واتعبت عينـي=اسهرتها واتعبتها لاجل ترضيك
تعال لاتقطـع رجـاي وحنينـي=والا تذكر كيف انا اهواك واجيك
جيتك بطيب وحـب والله يعينـي=وكل القصايد صغتها لاجل عينيك
ابا الرضا واطلب عسى تهتويني=وترد صوت من ضميري يناجيك
ومن كان له حيله بهـا يستعينـي=وكل الحيل ضاعت وبين تجافيك
ابليـس ارسلتـه يحببـك فينـي=رجع لي الملعون متولـع فيك

عبدالله العصيمي