والمقفيـة , مقفيـة مانـي براعيـهـا..!!
ماأدنـي (( المشيـخـة )) ولاأواطنـهـا
(( ومستوطنات النقيلـي )) ماأدانيهـا..!!
والشاعـريـة ولــو تفـقـد توازنـهـا
تلقـى لهـا شـاعـرٍ يـقـدر يساويـهـا
(( وهزيلة الشعر )) غيـري لـو يسمنهـا
الكحـل \ لامـن كثـر باالعيـن يعميـهـا
وإن كان غيري (( سيور الغير )) يدهنهـا
أنا أقطع سيور مـن كبـرت علابيهـا..!!
ماجيـت للعاقلـة مـن شــان أجننـهـا
ولاجيت أحرض علـى الأيتـام , واليهـا
جيت أقهر قلوب (( حزب إبليس )) وأغبنها
وآطا على (( صابر المِنه )) وراعيهـا..!!
والكلمـة اللـي علـى بـالـي مثمنـهـا
واللـي بقلبـي علـى لسانـي مخليـهـا
لـو السلامـة رقبتـي , عيـبٍ أدفنـهـا
مـوت الذيابـة ولاعيشـة حصانيهـا..!!
والنـاس واجـد , وتفـرق فـي معادنهـا
مثل إختـلاف الطبيعـة , فـي أراضيهـا
الحضـر كانـت بـدو , قـبـل تمدنـهـا
والبدو , صارت حضـر \ بعـد تبدويهـا
وعليّ (( نحت القوافـي )) مـن معادنهـا
/