أمانه
لارحلتْ ودّع قلبي شويّ .. شويّ
تراني منكسر ..
من سيرة الفرقا وطاريها
تراني من هـذاك اليوم .. لامـيت ولاني حيّ
ولا ادري عن جميع الناس
قاصيها ودانيها
امانه وش معي ؟ ..
والا وش اللي من غيابك ليّ !
ياكود الوّنه اللي ماتعدّت صدر راعيـها !
على حطة يـدك
كل الطعـون النازفـه .. هـيّ هـيّ
بعـد ..
حـتى انشـراحـة خـاطـري مـني سرقتـها
انا مثل الغريـب ..
وغربـة احبابـي طوتنـي طــيّ

اجاهـد ضيقتـي ..
وظـروف وقتـي وش اسميّـها
ياويّ من السفـر ..
ومن الغياب المنتظـر يـاويّ
بلـياك
الحـياه الهـاديه وش حاجـتـي فـيـها !
بعد بان الصباح .. وذعذع الغربي .. ومال الفـيّ
تنّهدت ..
وطرت لـي سـاعةٍ مـاني بناسـيـها
هي اللي باقيـة لي من لقاك وذكريات الغيّ
تعزيني
بـعـدك من الـجروح اللـي تركتـها !
فمان الله ..
رووح .. والا انا مافـي يديني شيّ
عـسـى عـيـنٍ جفـاها نومهآ..
تفرح بغاليهآ