لا زلت أشوف الحب بـ/ اسمى معانيـه
فدوة حبيبـي [ وقفتـي ، وانكسـاري ]



الكبرياء ان غيّر الحـب ؟ [ مـا ابيـه ]
لا صرت مخطي ؟ ليه اخاف اعتذاري ؟


قلّي وش اللي فـي يدينـي ، واسوّيـه ؟
عشان ما اشوف لـ/ رحيلك [ طواري ]


ان كان قلبك فـ/ الهـوى لـه مباديـه ؟
قلبي ليا حبّك مـا هـو بـ/ اختيـاري !


لا تترك احساسـي علـى رحلـة التيـه
من عاد له [ غيرك ] ، شراع وذواري ؟!


لـ/ الحب ثوب ، من العتب والمشاريـه
لكن ليـا هـب الجفـا صـار عـاري !


لو ما انت [ زارع شوق قلبي وساقيه ]
ما كنت اكحّـل غيبتـك لـ/ انتظـاري !


العمر لا صدّيت ؟ مـا الله بـ/ حاليـه !
لا اصحابي اصحابي ، ولا الدار داري


والوصل مهمـا صـار لـك ؟ لا تخلّيـه
مـا دام باقـي لـه رسـوم ، ومـواري


باكـر بـ/ ياخذنـا الجفـا بيـن اياديـه
كنّي عن [ احداث المقابيـل داري ]