21-08-2010, 06:55 AM
|
| |
حزنك دلع ؟
قالت حروفك ليه دايم تعاني
قلت البحر مليان محار وأصداف
حزنك دلع؟ والا خيال وأماني؟
والا شبح ماهوب بالعين ينشاف
قلت الحزن عندي سنينه ثماني
لاتحسبين الحزن هو لام مع كاف
يابنت أنا حزني عزفته أغاني
موال يرسم شمس تشرق بالانصاف
ودي عشانك بس أفرح ثواني
سور الفرح عالي وأنا حيل خواف
الهم لو عشتيه زلزل كياني
ليتي قدرت اني أشيله بالاكتاف
من لامني ليته يعيش بمكاني
يذوق لو لحظة مرارات الاجحاف
حتى يشوف الحزن وشلون جاني
و يدري الحياة بكبرها ليه تنعاف
ماكل من يفخر بنفسه أناني
وماكل من يركب على الخيل عساف
هذا كلامي واكتبوه ابلساني
قولوا كتبته بس ............... .. |