26-02-2010, 04:19 PM
|
| |
جرح السنه
مرّت سنه يا شيـخ والجـرح ميعـاد
ما زال فـي قلبـي وساكـن وريـده
مرت سنـه يـا شيـخ والهـم وقـاد
رص الضلوع وشـب فينـي وقيـده
مرت سنه والآه في جرحـي ضمـاد
مـا ضمّـدت يـا كـود إلا تـزيـده
مرت سنه يا شيخ و دموعـي أوتـاد
أطنابهـا رمشـي وخــدّي تشـيـده
مرت سنه والعين مـا غضّـت رقـاد
أحلامهـا شوفـك وغفـوه رغـيـده
مرت سنه ما عـاد لا فـرح وأعيـاد
إلا عيـونٍ دمعـهـا لــك تعـيـده
مرت سنـه وأحزاننـا قيـد وأصفـاد
تكـبـل أفــواه اليتـامـا حـديـده
جرح السنه يـوم الثلاثـا فـلا عـاد
في ( ثنين نوفمبـر ) وصلنـا وعيـده
في ثنين نوفمبر بـدا الجـرح ميـلاد
غار الخبر من قبـل طبـع الجريـده
وفي ثنين ديسمبـر عنـى نزفنـا زاد
العيـن تـذرف دمعهـا مـا تعـيـده
وفي ثنين يناير وصـل ثانـي لعيـاد
فرحه ولكن .. فرحه ماهـي سعيـده
و فبرايرألفى الحزن مرسال و حـداد
ليـن الرسايـل مـا سعفهـا بريـده
وفي ثنين من مارس بنى دمعنا أمجـاد
يرسم على خد العمـر وجـه سيـده
وفي ثنين من أبريل سيف الضنى حاد
يذكـر شرايينـي وهـي مـا تحيـده
وفي ثنين من مايو بـدا اليـاس وراد
يحتـل أجفـان ورمــوشٍ عـديـده
وفي ثنين يونيو ماتت قلـوب وأكبـاد
وبعض العزى حزنك يزاحـم فقيـده
وفي ثنين يوليو جاوب الصوت رعّـأد
كـن السمـا تبكـي دمـوعٍ مجيـده
وفي ثنين أغسطس انحنى الحزن بركاد
وانساب من بيـن الضلـوع العتيـده
وسبتمبر أرخـى كـل هـمٍ بنـا نـاد
وأكتوبر ألغى مـا بقـى وسـط إيـده
يـا ليـن عـاد ثنيـن نوفمبـر ورّاد
ذكرى غروب الشمس من راس حيـده
كل عام يا هاليـوم والجـرح ميـلاد
كل عـام و دمـوع القصايـد عديـده
أبكي دموعي شعـر بـأوراق ومـداد
وتبكي علـى خـد المدامـع قصيـده
كل عام يا جرح السنه وانـت عـواد
كل عام وهذا الحـزن يقبـل وعيـده
حتى لو الاحفاد صاروا هـم أجـداد
حزنك محـال الوقـت يقـدر يبيـده
مرت سنه يـا شيـخ والدمـع ميعـاد
مـا دام دم القلـب ضخـه وريــده,,,,
آخر تعديل سمو الاحساس يوم
26-02-2010 في 07:00 PM. |