كان فيه اثنين اخوان الكبير مطوع (امام المسجد) والصغير هواوي( ويحب بنت خالته)





وحاط لهم بيت في اخر الديره وهو اللي يقوم



بحلالهم ورعايتهم وطبعا ً القصه من الماضي



0تقريبا ً



200 سنه يمكن اكثر او اقل والله اعلم.



الوكاااد


جاء المطوع لأخوه الهواوي وهو يصلح العشاء



وقال المطوع:ياخوي انا بطلب منك طلب؟؟؟؟؟



قال الهواوي: انت اخوي الكبير ومطوع وتطلب الا انت تامر امر.



قال المطوع:انا بروح الحج ابي منك تمسك



المسجد وتصلي بالجماعه لين ارد من الحج.



قال الهواوي: امسك المسجد ؟؟؟!!!!!!



قال المطوع : لازم تمسك المسجد ع شان



المصلحه اللي تجينا ما تنقطع.



قال الهواوي: وكم بتقعد فالحج؟



قال المطوع: ثلاث شهور شهر فالروحه وشهر فالحج وشهر فالرده.





قال الهواوي: الصباح رباح يمكن بعد اخوياك مايجون



او تهونون او يجيكم طاري ما تروحون



قاموا على صلاة الفجر وإلا اخويا المطوع نوخوا



اركابهم (اركابهم يقصد بها البل) عند باب المسجد.


الوكاااد



وصلوا الفجر ويوم خلصة الصلاه قال المطوع :



ياجماعه سامحوني وبيحوني انا رجال بروح الحج.



قالوا الجماعه : الله يحلك ويبيحك بس من بيمسك



المسجد مكانك؟؟؟؟



قال المطوع : اخوي فلان



وجاء في بالهم ان اخوه هواوي وينه وين الصلاه



بس صاروا امام الواقع ورضوا به.



الهواوي مسك المسجد وقاعد يصلي بهم اول



يوم, ثاني يوم, ثالث يوم, ومر عليه اسبوع ولا راح لخالته



وبنت خالته.



بنت خالته قالت لأمها: يمه افلان صار له اسبوع ما



جانا لا يكون صار له شي .



قالت امها: انا بروح اسأل عنهم عسى ما يكون



صار لهم شي



وراحت امها تسال عنهم في الديره: من اللي شاف



اليتمان ؟؟؟



جاها واحد وقال: وش تسألين عنه؟؟



قالت : ابي اشوف وش اعلومهم.



قال : هم طيبين ولا فيهم شي واحد راح للحج



وواحد ماسك المسجد.



قالت : اكيد اللي راح للحج افلان



قال : لا اللي راح يحج المطوع , وفلان ماسك



المسجد بدال المطوع.



قالت : سبحان الله خابرته مايعرف الصلاه ولا هوب



حولها لكن الله يهدي من يشاء.



رجعت الام لبنتها وقالت الحمد لله المطوع راح يحج



وفلان ما سك المسجد وهداه الله وهو طيب وبخير .



قالت البنت : انا ما اصدق الا لين اشوف بعيني.



وراحت تشوف الكلام صدق انه تطوع والتزم والا لا



(طبعا ً هي بعد تحبه)



ووصلت للمسجد على حزة صلاة العصر ودخل فلان



متأخر وقال للمؤذن اقم الصلاه.



اقام الصلاه المؤذن وقال الهواوي استقيموا والتفت



ويبي يقول اعتدلوا الا هاذي المره عند باب المسجد



ويشوفها وتشوفه وتقوم البنت وترفع الغطوه عن



وجهها وتبيه يعرف انها بنت خالته.



وهو يبي يقول اعتدلوا قال:





تعدلوا ياهل القلوب المواليف .......... صيروا ورا القراي خمسة اصفوفي

انس مناي من لابسات المشنايف ..........والكا ذب يالله عسى ما يشوفي



وعلى طول قال : الله واكبر وصلوا



وبين المصلين ولد عمه وهو ذكي فهم السالفه



ولكن يبي يبعد الكلام عن ولولد عمه لين المصلين اكثرهم



شيبان



وقال بعد الصلاه: والله يا فلان لك اسبوع وانت



تصلي بنا ولا شفت احسن



من صلاتك اليوم وخاصه الحديث الشريف اللي بعد



الاقامه وانا طالبك عيده مره ثانيه



قال الهواوي: لا هاذا حديث واسناده ضعيف خله



منك.


منقول