مجالس الرويضة لكل العرب - عرض مشاركة واحدة

#1 (**permalink**) 03-01-2010, 11:52 PM

بسم الله الرحمن الرحيم..

السلام عليكم ورحمة الله وبركاته..

الكل منا يبغى الراحه النفسيه

والبعض يقول مهما اسوي ما ارتاح نفسياً

والبعض يقول انا مهموم وهمي كبير و...إلخ

راح اذكركم بأشياء ان شاء الله تخليكم تحسون بالراحه النفسيه ^_^

طبعاً كلنا نعرف انا لما نقرا اية الكرسي والمعوذات يحفظنا الله بمشيئته..

لكن كيف نرتاح نفسياً

اول شي

..الثقه بالله..

يعني بعضنا لما يدخل في مصيبه او مشكله او مرض او اي شي..لا ييأس من الدعاء..

يعني دامك مؤمن بالله لا تيأس..

الله على ظن عبده به اذا رضي له الرضى وإذا سخط له السخط..مثل ما نعرف قول الله فالحديث القدسي :" أنا عند ظن عبدي بي ".رواه البخاري ومسلم

..الصدقه..

كلنا ندري ان الصدقه تدفع البلاء

يعني تصدق لو بكاس مويه لو بخمسه ريال .. وان شاء الله ماراح تروح خساره..

وبعد كذا

..التفائل..

خلك متفائل دايم ولاتفسر الاشياء على انها اشياء سيئه
شي ماعرفته لاتقول انه سيء..(توقع الخير والأمل والتفاؤل تجدهم ولاتتوقع الشر فيسري اليك..)
وحاول انك ماتكون متشائم ولاتجلس مع الناس المتشائمه خصوصاً اذا كنت من النوع اللي يتأثر بسرعه..

..التوكل على الله..
وهذا يرتبط بالثقه فالله يعني اذا بغيت تسوي شي توكل على الله((اللهم إني فوضت أمري إليك ووجهت وجهي إليك لا منجا ولا ملجأ منك إلا إليك))

واخر شي..

لاتتوقع ولاتفكر انك انت الوحيد اللي يعاني..فكر فالناس وتذكر ان كل واحد عنده مشكله
ممكن تكون مثلك وممكن تكون اقوى من مشكلتك

بكذا راح ترتاح نفسياً بإذن الله ^_^

والموضوع للتذكير

والله يجزاكم الف خير