10-12-2009, 02:09 PM
|
| |
سنه تقفل وسنه تتمنى
باقي كم يوم ونقول
انفتحت سنه جديده
سنه مازالت بيضا
تتفائل تشوف ناس متحابه
تتمنى ان الحسد ينجلي
تتمنى ان الحقد يروح
تتمنى تلاقي وجيه طيبه
باقي كم يوم ونقول:
أمس صار من العام الماضي
وصرنا بدل مانقول (هذي)
نقول (هذيك)
بعد آيام بتصير هذي السنه من الذكريات
وتنجلي
وتقفل ابوابها معلنه إستحالة الرجوع لها
تقفل ابوابها وهي تقول ليش ماخذيتوا حقكم مني..؟
ليش كنتوا في زماني باردين.؟
ليش كنتوا قاطعين.؟
ليكون تظنون ان ايام السنوات اللي بعدي بتكون بجمال ايامي.؟
ليكون تظنون انكم بتكونون في السنوات اللي بعدي بنفس صحتكم فيني.؟
بتقفل ابوابها وهي تقول ليش طلع بعضكم من بابي وأهو مآزآل زعلان على خويه.؟
ليكون تظنون انكم بتشوفونه دايم.؟
ليكون ضامنين انه بعيش مثل ماعاش في أيامي..
ليه طلعتوا من بابي وانتم لازلتوا تكابرون وانتم من داخل تتقطعون؟؟
إلي متى حالكم..؟
يعني ضامنين تشوفون بعض بعد ماطلعتوا من عندي؟؟
وش اقول وش اخلي
دايم تضيعون انفسكم وتعندون وفالآخر تندمون..
واخر ما بتقول هذي السنه
ماراح تحسون بأيامي اللحين
تدرون متى تحسون فيها.؟
إذا الولد فقد امه و ابوه
اخته واخوه
اصدقائه
احد اقاربه
إذا البنت فقدت ابوها وامها
اخوها واختها
صديقاتها
احد أقاربها
وكل ذولا كانوا موجودين بأيامي
بس انتم بعيدين عنهم
وكنتوا كل يوم تقولون بكره بكره بكره
ليييما جا بكره
تناديهم
تروح لهم
تبي تشوفهم
بس للأسف...انشغلوا بضروف ابعدتهم عنك
او انهم صاروا تحت التراب
بتقول
ياااازين ذيك الأيام وياخسارة وقتي اللي ضاع فيها ماشفت فيها الناس اللي كنت احبهم
تدرون وش ذيك الأيام..؟
ذيك الأيام هي أيامي
بيقول ياليتها ترجع
بس للأسف بقفل ابوابي للأبد....
ومستحيل تلاقون مثل أيآمي مهما كان
الخلاصه:
استغل دقيقتك بالقرب من ربك
بالقرب من والديك
واستغلها في صلة رحمك
ولاتخليها تروح في نوم ونت
لأن النوم بتلقآه إن شآء الله
والنت مهو منقطع
ولكن انت واقاربك واعمالك بتنقطعون في يوم من الأيآم.
فأحسن لنا مانهملهم ..^_^..
وكــــل عام وانتم بخــيـــر
آخر تعديل صديقة القلم يوم
10-12-2009 في 02:13 PM. |