(( هذي مفاهيم الهوى ))
الحب مثل الجرح في حدْ سكيـن
............... .....يبطي يطيـب وعلتّـه بإنتظـاره
والشوق مثل الملح لا جا على العين
............... .....يصيبها بعـض الألـم والحـراره
أما الوله له بالهوى عامـلٍ شيـن
............... ......يقدح بوسط القلب قدْح الشراره
هذا الهوى عنده رسوم ونياشيـن
............... ......وقلب المولّع بالهوى صار شـاره
ياكم بأسبابـه تلاشـو مجانيـن
............... .......وياكم أخلف عاقلٍ عن مسـاره
وتثور بأسبـاب المحبـه براكيـن
............... ......ولابد تلسع مـن عبرهـا بنـاره
وترى المحبه وِدْ ومعاملـن زيـن
............... ......لكنْ وين اللـي يحـب بطهـاره
ماهي على ماقيل ياليـل ياعيـن
............... ......وإلا ضياعة وقـت وإلا شطـاره
يبي لها قلبٍ قـويٍ علـى الديـن
............... ......أصل الوفا والحب يبقـى شعـاره
وعندي على ذلك شهود وبراهين
............... .......وبقولها من جد بأبسـط عبـاره
لو للقلوب سبـاق عنـد المحبيـن
............... ......يمكن ترى قلبي يحـوز الصـداره