21-10-2009, 02:41 AM
|
| |
القدر بالصدر
الأ يا الصديق الصادق الواصل القطـاع
ما دام القدر بالصدر خل الوصل مقطوع
بنيت الصداقه مثل بيـت ثـلاث إربـاع
وحطيت لك نتقه مثـل نتقـة الجربـوع
لجل حاجة لا هيـب تشـرى ولا تنبـاع
تبيها أول الأسبوع والا آخـر الأسبـوع
ليه تخالف المرباع يا مـدور المربـاع
وأنا أمد لك على الوفا البت والمربـوع
على كل حال يمد باعـه طويـل البـاع
ومهما حصل ما يتبـع التابـع المتبـوع
مجالك مع الآفاق بيـن السمـاء والقـاع
ولا طايرات الا وتصبـح وهـن وقـوع
تضيق الصدور وتتسع والدروب وسـاع
لا شك الملام أقرب من الكوع للكرسوع
ما عاد أتحمل منك ضيقة صدر وأوجاع
ودرب الخطر فيه التعب والضما والجوع
ولا لي معه روحه ولا لي معه مرجـاع
وعذر الرجل يسع جمل والغلط مرجوع
ثلاثه تشكـل للمثلـث ثـلاث أضـلاع
وقلبي بعد دونه ستار وقفـص وضلـوع
وإذا يقنعك ما يقنـع النـاس بالإجمـاع
اقسمها على واحد وكم يطلع المجمـوع
|