وتقول: لي تبكي ! وانا اللي موصيك
واقول: لك تبغـى أزف التهانـي !!





صرت اتجرع مرّ مـن دون حَاليـك
واكتب على الفرقا (قصيـد) و (اغانـي) !





لا جيت ابكتب مـدح لازم اطريـك !
ولا جيت ابكتب حب مالحـب هانـي





صرت اكتب الفرقا بفحـوة معانيـك
واطلع مع فرقاي بأصـدق معانـي !





واسامر النجمة وانا اقـول : لبيـك
اسمـع وحيـك .. ولا اكـذب اذانـي





وانته بعيد ٍ مـا وصلنـا اراضيـك
الا انك اقرب من صفـوف المحانـي





ولاجابو اسمك جيت كنـي معاديـك !
عشان مسمع قول خلّـي نسانـي !





والا انت وافي والوفـا مـا يخليـك
والطيب بصلك ما خفـاك و خفانـي





لذا .. تصبّر والصبـر فـي معاليـك
يهون .. يوم ٍ قلت : تكفى عشانـي !