03-10-2009, 07:27 PM
|
| |
ياللي خذيت القلب
ياللي خذيت القلب في ظرف لحظات
ياللي سكنت بداخلي في ثواني
من يوم شفتك رحت بي للمسرات
خذيتني في حبك لجو ثاني
جو المحبه والوفاء والمصافاة
وأبعدت عني قيد هم طواني
علمتني كيف أعشقك موووت بسكات
كيف أوصل لقلبك وانا في مكاني
لملمني بشويش من بين الأهات
داويت قلب كان قبلك يعاني
أعطيتني يمناك رغم المسافات
زرعت بي حب الأمل والأماني
لاقلت بشكي قلت لي يالغلا هات
باخذ همومك وأحضنك في حناني
انت الحنان اصلا اخذ منك عادات
وانت الحلا له في صفاتك مواني
نبرات صوتك غيرت كل مافات
بالوشوشه مثل النغم والأغاني
مماراق لي هذا المساء
|