مني لبو متعب تحيه وتقدير=حاكم كريم موفيٍ من لجا له
نسل الرجال الطيبين المناعير= عريب اصلٍ تعتزي به خواله
نجمه سطع بين النجوم النواوير=عز الضعيف اللي شكى ماجراله
يقهوي الشايب دلالٍ مباهير = في مجلسٍ كلٍ يجيه وسعى له
وسلطان عز الجار ريف المسايير = كريم يكرم من لفاه وعنا له
بحرٍ بجوده ماحسب للمخاسير=يروي ضمى من لا زمانه صفاله
من جاه يطلب قال باذن الله يصير= واللي بكفه ماتعسر مناله
ونايف زعيم الامن فاق الاساطير = يومه تزهل للحمل ثم شاله
يحمي حمى الدوله بحد البواتير= سيفٍ لدين الله ضد الجهاله
ولا شتدت الكربه لفى يركض مغير = والقاء على شعبه طلبه ومقاله
وقدم حلوله دون زيفٍ وتقصير = حيثه يحل اللي تعقد حباله
وسلمان راع الحق والصدق والخير = هو مزبن العاني ورمز العداله
ذكره يزيد القلب فرحه واسارير = ياجعلني انا وشعري فدا له
يضوي ظلام الليل دون المحاذير =كنه بدر في ليل حل اكتماله
قاده بهم تسطر العز تسطير = من وصلهم حظه ويا طيب فاله
في عهدهم تطور الحال تطوير = وحقٍ علينا نمدح اهل الجماله
تشهد لهم نجد الكرم والمشاهير= وأهل الوفاء والطيب وأهل الشكاله
يا قادتي أعيت حروفي التعابير = وعجز الشعر يوصف سمو الرساله