مجالس الرويضة لكل العرب - عرض مشاركة واحدة - {~ .:: بلاش مني ومن ـحزني / وحكآيآتي ::. !

#1 (**permalink**) 04-09-2009, 09:11 PM

[ آلسِلآمٍَ عُليًگمٍَ وٍرٍحِمٍَة الله وٍبُرٍگآتِهُ ]

مات الأمل ضيق .. من سالف بداياتي
ولا فاد صدق إعترافي .. بـ كثر تقصيري

محتاج أسولف وأفضفض عن معاناتي
محتاج .. قلب ٍ يحس بـ حزن تفكيري

مليـت مني !! ولا أعرف وش نهاياتي
حتى الغصن طاح .. من قسوة عصافيري

في كل لحظه .. أعيش الحزن في ذاتي
وفي كل درب ٍ .. تضيعني مشاويري

وفي كل يوم ٍ .. أخيّب .. فيّ .. هقواتي
من يقدر الليل و الغربه ؟! و تصويري

من يوم ماالوقت .. طاوع ذرف دمعاتي
يكفيني " الشعر " صفصف من تعابيري

ماعاد فيني .. طموح ٍ .. يجمع إشتاتي
رتبت جرحي فـ شنطة حزن تأخيري

بلاش مني !! ومن حزني !! و حكاياتي
أبرك لي آموت وأترك روحي لـ غيري