مجالس الرويضة لكل العرب - عرض مشاركة واحدة

#1 (**permalink**) 02-09-2009, 12:02 AM

نادتني.. وجيت ألهث يمّها
من بعيد...
جيت من قصاي..وأقول
سم...
قالت :
لو بيوم..قال حبيبك بسافر..
وش تقول...؟
ارتجفت..وبدت نظراتي
ترتعش...
طالعت بعيونها..شفت
نظرتها حزينه...
وقفّت..كنّها ماودّها أشوف
دمعتها...
حسّيت أنها بتقول..غير
هالسؤال...
تمالكت نفسي..ورفعت
راسي...
وقلت :
وش تقصدين......... ؟؟
ردّت وكن بردّها تحبس
العبره...
أرجوك..لاترد السؤال
بسؤال...
حاول تجاوبني..أرجوك
ريّحني...
جاوبتها :
مالقيتي الاّ هالسؤال...؟
كل اجاباتي انتهت..ووقّفت
عنده...
لاتكوني بـ............؟
قاطعتني بنبره حزينة..ايه..
بس لاتخاف..ماراح اتأخّر
عليك...
كلها أيام وراجعه..
لك...
رفعت راسي..وطالعت
القمر..وسألته.. .
وشلون تعيش من دون
نورك...؟
قلّي بالله..وقتها وش هو
دورك...؟
قالت :
ماجاوبتني حبيبي...
قلت بنفسي..لو بيدي
ماتركتك تبرحي مكاني...
بس وش أقول..
خانتني أنصاف الحلول...
طالعتها..وقفّيت أنا ودمعي
لمثوانا...

ردّت ونادتني..
وقبل أوقف..
وقف نبضي معاي...
قلت يمكن هوّنت...
ألتفت يمّها...
وقالت :
بتجي باكر تودّعني....؟
ياهو سؤال..أصعب من
اللي قبله...
وادري اجابته..دايم
محال...
جاوبتها بدمعه اذرفتها
عيوني غصب...وقفّيت...
رحت أهوجس..وأفكّر
بحظّي...
يوم أني لقيتها...في ثواني
فقدتها...
وكانت أصعب ليلة..
بحياتي...
وجاء موعد سفرها...
وأنا محتار...أودعها. ..
ولا أتركها ترحل..وأقول
ياعساها تعود...
قلب ينبض..وعين ترقب
الساعة...
وبدون ماأشعر...لقيت نفسي
أراقبها من بعيد...
وهي تناظر..شمال ويمين...
ياني فدوه عيونك....
وبدت خطوتها الأولى
بالرحيل...
وبدى قلبي بالضياع...
ودمعي بالنحيل...
باقي عيوني تراقبها...
لين اختفت عن مداها...
وسافرت...

وقفت وحدي..وسط الرياح..
وسط المطر...
أنتظرها..لوحدي. .بوسط
الشوارع...بين
الشجر...
وكل ماانطفت دمعه...
جاوبتها دمعه جديده...
ألوّح بيديني لوحدي...
وأقول الوداع...
مثل ماودّعتك لوحدي...
راح انتظرك...
لوحدي...
بس أرجوك..لاتنسى القلب
اللي حبّك...
وعاش وافي على
دربك...
تذكّره..في غربتك..
علّه يعيش...
وصدّقني...
مهما بقى به عمر...
ولاّ انتهى...
ماله رجا غير
ذكراك...
تذكرته ولانسيته...
هذا قلبي...
لاحب...يوفي
معاك...
ويجيك..حتى لو
أنك ماجيته...
بيبقى على وعده..
وعهده...
وأن وصلت ومالقيته...
تأكّد..أنه قلبي بيوفي..
حتى لو كان..بوسط
لحده...