تعــال الحين ابي تقرا ..غلاتي في مواويلي ابيك تشوف كيف القاف يكتب لك حروفه دم
تعال افتح معي الصفحة..واجلس في مداهيلي
وامسك خافقي بيديك ..ترى قلبي غدا مرسم
وامسح جرحك ..وهمك..واسكن في تعاليلي
امسح كثر ماودك ..ولاتسأل ..جروحك كم
تعال وسامر دموعي..وانشدها ..مناديلي
كم من دمعة ٍ طاحت ..وانا اشكي جروحي هم
تدري من عرفتك كنت ..اعزّ النجم في ليلي
واقول الزين لو ذموا ..وربي مارضيت الذم
طلبتك دمعتك اغلى ..اذا مانهدّ بي حيلي
وجاك العلم في موتي..تراه الموت لي ارحم
ابي تقرا قصيدي فيك..وتتلمس معاميلي
وتالي الليل لاناموا عباد الله قل لي سم
بزورك طيف ..واضمك..هذي هي مواصيلي
وابي تعذر غلاه اول ..كانه ..زاد فيك الغم