‘،
تجي نضحك على بعض الجروح بْزعمنا احباب ..؟
تجي نوهم خناجر هـ الجفا بْوعـود كذابه ..؟
تجي مره نتلاقا بلا وعد أو أسأله وعتاب ..؟
" مدام ْيلفنا صمت المكان ومغلق ابوابه "
الين اسأل: تفارقنا ؟ تصيح الـ(آآآه) : يا كذاااااب!!
كذا وبْلا شعور اذكر فؤادي .. يوم تحيا به
على طاري الفراق اللي ذبحني !! كيف جرحك ..؟.. طاب ..؟
لأنـــي مــا قــدرت انـسى مـــلامــــــح كلمة : اشقى به ,,
لاني من زمن انزف سؤال الناس والاصحاب:
تفارقتوا ..؟ غريبه ..؟ كيف ما تبكي من غيابه ..؟
مع اني ممتلي في كل ضلع بداخلي منصاب !!
سوالف كلها تذبح حنيني شوف ~~> ( تتشابه) !!
انا ما كنت ابي منك تبدّيني على الاقراب .,
انا كنت آتمنى ألتقي بفواد وابقى به .,
خطا مني فتحت الباب ,, لكنك فتحت ابواب !!
وضيّفت الوجع في صدري اللي كنت اولى به ..
تعرف المشكله لو هي على عضه تجي من ناب ..!!
"ابوهب كل حسرات الندم فـ ابهام .. واسخى به "
انا جيتك وباقي في حنايا طعنتك محراب
تصلي لك جروحي مْن الوجع وتصيح : يا يااااااابه
حرام انعيش في نفس الزمن وقلوبنا اغراب .,
تعال وخل يقول البعد من غيضه : ( لقى احبابه )
ترى توي اكتشفت المسأله .. ماهي وش الاسباب .؟!
لان ما يعني الميّت ..! اذا بيموت بثيابه ..!
،‘