15-06-2009, 03:09 PM
|
| |
أنشف ريقهـ ودمهـ
اشكك في غرامه دووم أنشـف ريقـه ودمـه تعذب قلبه اوهامـي وانـا ظنونـي تعذبنـي محال اليوم يمر بدون زعـل لا يمكـن أتمـه غصب اخلق مشاكـل لـه وأجننـه ويجننـي أجي وأحوس له جوه وازيـد بهمـه وغمـه واذا هو اشتكى أبكي واقول انـك ماتفهمنـي يحاول يبتسـم لكـن يقـول آلآه مـن همـه يقول أرجوك ابي افهم وش المطلوب بس مني عطيتك قلبي وروحي و احبك واعشقـك جمـه ولا غيرك ابـد انسـان يبعثرنـي ويلملمنـي تشوف العين ومهما تشوف مكانك باقي بالقمه وحيده داخل فـؤادي ومنـك الشـك متعبنـي دخيلك افهمي حبي مـا راح اعيـد هالكلمـه ترى صبري وصل حده ومابه شـي يجبرنـي بأن اتحمل جنونـك واشوفـك منتـي مهتمـه بأني انبسط وافـرح وقربـك مـو مريحنـي خفوقي يعشقك وانتي خفوقك مـا نظـر يمـه ذبحني شكك وخوفك ترى طبعك مـا يعجبنـي دخيلك وش به مقصر ابـي تقوليـن واتمـه حلفت الفين ما خونك وقلبـك مـو مصدقنـي صرخت وقلت بعض جنون مثل ما تشتهي سمه ولكن قلبي متأكـد واحـس انـك ماتعشقنـي ويوم إنهلت دموعي بـدى يمسحهـن بكمـه وقال الحين أبي أسال وأبـي قلبـك يجاوبنـي أخذ راسي الى قلبـه وقـال أبـي بهالضمـه تسمـع دقـة الخفـاق ومـآ تلقـاه علمنـي وقمت اسمع انا احبك وهو مـآ قالهـا بفمـه وعينه تحكـي الاحسـاس اكلمهـا وتكلمنـي ورحت أبكي على صدره وقال الحيـن بالذمـه لو اني ما اعشقك وش لي على هبالك مصبرني |