مجالس الرويضة لكل العرب - عرض مشاركة واحدة

#1 (**permalink**) 12-06-2009, 08:07 AM

هذه رائعه من روائع المبدع حامد زيد (غـــرام أحبـــابـــ )

]
عـلـى ذاك الطريق اللـي يسـمـونـه غـرام أحـبـاب
وطت رجلي على دربه ولا أدري وش نوى فيني

تبـعته لآخـر دروبــه إلين ان الـقـمـر قــــد غـاب
تـعـب قـلـبـي ولا تـعـبـت مـســـــافـات توديـنـي

لقيت الليله الجردى هدب ظــل وسـمـاء وأعشاب
بــــعـد ذاك الـظـلام اللــي يـتـوهـنـي عـنـاويـنـي

صـدفـتـك مـعـجـبـه فـيـني وياليت الغرام أعجاب
وتـراك أنـت الـهنوف الـلـي هـقـيـتـك تـسـتـحقيني

عطيتك عشق من قلـبي وسـلـمـت لـغـلاك أرقـاب
وغـيـرك يـحـتـرق قـلـبـه ولا يــقـدر يـحـاكـيـنـي

أنا قبلك صدفت عـيون لـكـن ويـش جـاب لـجـاب
وتـرى كـل الـعـيـون الـلـي لـقـتـنـي مـا تـكـفـيـني

رماني حظي العاثـر عـلـيـك وجـيــت لـك طـلاب
ولا انـتـي اللـي عشقـتـيـني ولا انتي اللـي عتقتيني

تـعـالي وارحمي ذاك الـخـفوق الـمـولـع الـمـرتـاب
مـاهـوب لأجـلـي عـشـان الله يـجازيك ويـجـازيـنـي

تعـدي في سماء عشقي ولو عشقي خراب أصحاب
وصـوني بـالـهـوى نـفـسـك قـبـل لأنتي تـصـونيني

وشـيـلـيـني عــــلى متنك خـــــفوق بــاري منصاب
ومـــن فـــــوق الغرام الـــــعذب شـيليني وحـطيني

ولامـنـك هـــقـيتيـني شــجــاع ولا يـطـيـق أيـــهاب
انــا لـــــــك بـالــهـوى والله مــثـل لأنـتـي هــقيتيني

أنــا مــــا امشي ورى غـيـرك ولــو أنـه يطق الباب
وتـرى عـيــب عــلـي أطــعـن ولــو كثرت سكاكيني

زهــــود مـــا يـــطــيـق الــدم لا دايـن ولا طــــلاب
شـجـاع وعـارف نـفـسـي واظـن انــــك تـعـرفـيـنـي

غـيـور مــا عرفت اضحك مع الغدر ببرود أعصاب
أبــيــع عــيـونـي الثنتين قـــبــل أنـــــك تـخـونـيـنـي

وإذا شـد الـغـرام أحـط قـــلــبي بـيـن نـــاب ونــــاب
لــفـرقى تـكســـر ضـلـوعـي ولا عــشـق يــوطـيـني

أنـا رجــل ولـي غـيـره وإذا شـفـت الـهـوى كـــذاب
تــثــور بــقــلـبي الـفزعــة ولا تـهـدى شـيـاطـيـنــي

سـؤالـك لــو يـزعـزع بـي كـيـانــي مـا قـبلت عتاب
أجـيـلك وأسـألك نـــفــــس الســؤال اللـــي ســألتيني

عــــن العشــــق الـقديــم أبـواب وتقفيها كثير ابواب
بــــعـد ذاك الــحبـيـب اللــي خــدعني وأنخدع فيني

أبـي عـشــق تــحسـب له كل نظرات العيون حساب
ٍوأبـي قـلـب عـلـــى قـلـبي وأبـي ديــن عــلــى ديـني

وأبــي كـــلمة عـــهـد تـوفي ولا تخلف بـدون أسباب
وأبــي مـــــنـك قـــبل انـــك تــصـدينــي تــوديـنـــي

وأبــي درب عــلــى الــعذال صعب ومتعب وغلاب
وأبـي نـــفـــس الــطـريــق الـصـعب يبعدهم ويدنيني

تـــرى لـــو للــقـلـوب عـيون ولدموع العيون أهداب
حــشــى مــا تـــنــزل الـــدمــعـة لغيرك لو تركتيني

أنا أول مــن عـــرف قـدرك وأنا توي صغير وشاب
وأبـــي مـــنــك مــــا دام أنـــــك عــرفتيني تحبينــي

مــــادام انـي لــقيتك فـــي طريق اسمه غرام احباب
دخــيـــل الله وبــــــعــــد الله دخـيـلـك لا تــخـلينــــي

مــــــادام ان كــل مـن يحيى على وجه التراب تراب
عــســـى تـــنساني الــدنيا مــــادام انتي ذكــــرتينــي

*************** *************** *************** ***** *************

المدينة

عافت الشمس المدينة وأعلنـت وقـت الـزوال
رغبـةٍ للنـوم منهـا مـع عيـون الناعسيـن

أبعدت من يوم شافـت بالسمـا ضـيّ الهـلال
كنّهـا كانـت تـهـزّا بالـهـلال وتستهـيـن

كفكفت صبح التلاقـي مـن ورا روس الجبـال
واستخارتني وراحت وابعدت عـن كـل عيـن

وانتي أخطيتـي خطاهـا وانعزلتـي بالوصـال
ولا رحلتي مـن سكـات ولا وعدتينـي تجيـن

عشت عمري بالمحبـة فـي سبيـل الاحتمـال
وانتي تعيشيـن عمـرك تفرحيـن وتجرحيـن

من غرورك في جمالـك مـا عطيتينـي مجـال
وأدري إنـك تفهمينـي لـو بغيتـي تفهميـن

كيف أشوف الشمس تشرق بالسما وانت ظلال ؟
ومن يعيش بوسط غـارٍ للذيـاب الجايعيـن ؟

كنت أحسب الكره زايل والجفـا لـو طـال زال
ولا بديتـي بالغـرام ولا بقـى فينـي حنيـن

أشهد إنـي مـا خطيـت ولا نويـت الانعـزال
وما خدعتك في غرامي ليـن شفتـك تخدعيـن

اصدقي بالوعد مـرة لـي ولـو فيهـا سـؤال
من عرفتك ما أذكر إنـك توعديـن وتصدقيـن

كنت أشوفك من عيونك تأمرين أقوى الرجـال
والله إني قبل أعرفـك مـا هقيتـك تخضعيـن

كنت أشوفك تبعدين وقلـت مـن بـاب الـدلال
وإن بعدتي عن عيوني قلـت باكـر ترجعيـن

كنتي أكثر في عيوني من عـدد وبـل الخيـال
وين أنا ما الد وجهي كنت أشوفـك تضحكيـن

وإن بغيت أصد عنك من يميـن ومـن شمـال
ما قـوت عينـي تلفّـت لا شمـال ولا يميـن

عاشقٍ والعشق بلوى وأشهد إن الحـال حـال
ولا تركتـي رحمـة الله ولا عرفتـي ترحميـن

وأدري إنك في غرامـي للأسـف نلتـي منـال
افترقنـا فـي دقايـق والسبـب لعنـة لعيـن

حبك أشبه فـي غرامـي بالوصـال الانفصـال
ويلعـب الخفـاق لعبـة كبريـاء الخاضعـيـن

بالهوى ماهـي غريبـة نكبـة عيـال الحـلال
ولاني أول من يصون ولا انتي آخر من يهيـن

الصداقة فـي عيـون النـاس منفـى للعـدال
وكـان ردّت للصـراحـة كلبـونـا مذنبـيـن

المحبـة شبـه زالـت والصـداقـة لاتــزال
بس أببقى في عيونك ( حامد ) اللـي تعرفيـن

علّميهـا يـا قصيـدة واضربـي فينـي مثـال
عرفيهـا بالبـداوة فــي طـبـاع الأولـيـن

علّميهـا كيـف نصنـع صبرنـا والاحتـمـال
علّميهـا كيـف نفلـح بالعمـل دنيـا وديــن

علّميهـا فـي سوالـف حلّـنـا والارتـحـال
علّميهـا كيـف نظهـر جـورنـا للجايـريـن

علّميهـا يـا دقايـق ، علّميهـا يــا لـيـال
علّميهـا يـا عصـور وعلّميهـا يـا سنيـن

إن عشقنا مـا بغينـا غيـر عشـقٍ بالحـلال
وإن نوينـا مـا لفينـا كـود نـاس طيبـيـن

كامليـنٍ فـي عطـانـا بــس لله الكـمـال
والرجل فينـا غرامـه لـو يعيـن ويستعيـن

ابـدويٍ مـا يقـوده للـردّى شـد الحـبـال
يعسـف اليـدّ الشحيحـة للعطـا حتـى تليـن

همنـا فعـل الرجولـة رمزنـا لبـس العقـال
وانتي المكياج كله صار فـي وجهـك سجيـن

عندك المكياج موضـة تحسبيـن إنـه جمـال
صار همـك فـي حياتـك تكشخيـن وتطلعيـن

والا أنا قلبـي بقـى لـي بالمحبـة راس مـال
والله اللـي مبتلينـي بالـهـوى والله يعـيـن

إن بغيت أعشق أبالقـى كثـر حبّـات الرمـال
لكن انتي لو بغيتـي صعـب مثلـي تعشقيـن

قلت لك كل الصراحة وأختـم أطـراف الجـدال
وإن زعلتي مـن كلامـي تزعليـن وتقعديـن

للشاعر حامد زيد