02-01-2009, 10:07 AM
|
| |
ودي اضم جدار بيته وأنا ابكيه
اجيه ودري لو اجي مالقيته
لكن كذا ارتاح لا جيت ماضيه
والله لا اموت وغايتي ما نسيته
حتى بصلاتي اطلب الله يهنيه
الحاره اللي تفتخر في مبيته
نامت كما طفل فقد حضن اهاليه
حتى في غيابه للشوارع شكيته
قالت تصدق عاد مثلك انا اغليه
يشهد جداره من حنيني بكيته
ودي اضم جدار بيته وانا ابكيه
ياما بصدق إحساس قلبي عطيته
وياما خذاني من التعب بين اياديه
اذكر في ذاك اليوم مره لقيته
يبكي وضايق يا صاحبي من لياليه
جيته بدون شعور لهفه خذيته
وساعه انا وياه جالس اواسيه
وشرد خيالي من دموعه نسيته
جالس افكر في دموعه وناسيه
اثره يناظر دمعتي ما رأيته
قام وسألني ليش تبكي وانا فيه
مسح دموعي يا صاحبي واحتويته
مثل الغريب اللي تضمه غواليه
واليوم انا والدمع وجدار بيته
نسترجع الذكرى قبل لا يخليه |