مجالس الرويضة لكل العرب - عرض مشاركة واحدة - كبــــــــــــــوة جـــــــــــواد .. لـــفهد المساعد ..

#1 (**permalink**) 20-12-2008, 09:07 PM

مـــــــــــــس ــــاء الـــــورد ..

لأحلــــــى أعضـــــــاء في أحلـــــــى منتدى ..

نورتــــوا موضوعي ..

اليــــــــــــ وم .. وأنا جالسه أقلب في جوالي ..

سمعت قصيــــــــده .. للشـــــــاعر المبدع : فهــــــــد المســـــاعد ..

وبصراحه .. القصيـــــده اعجبتني وبقــــــووووه ..

وقلت راح انزلها هنــــا ..

واشوف رايكم فيها ..

صعب لامنك فشلت .. وصعب لامنك دريت ..

ان من يكره نجاحك .. يدري انك مانجحت ..

امس ضقت .. ورحت أقلب ذكرياتي وانتهيت ..

عند صورة طفل .. صوته ..مثل صوتي ..لا إنجرحت ..

وش مثل ؟؟ لاوالله الا هذا أنا يوم ابتديت ..

انطق حروف تلعثم في لساني لا إنمدحت ..

هذا انا يوم الحياة في نظرتي .. عشرين بيت ..

ومسجدين .. ومدرسه من طين كم فيها اصطبحت ..

هذا انا اصبحت اتمتم .. هذا انا حتى بغيت ..

اختنق بس القدر عيّــا على موتي .. وطحت ..

وصاح صوت الطفل فيني .. انت من وين ارتميت ؟؟ ..

قلت :انا المستقبل اللي فيه كم همت وطمحت ..

امس كنت ابيك تكبر .. بس والله لو دريت ..

اني اللي مت لأجله .. متّ عندك واسترحت ..

لو دريت ان الزمان يجر رجلي .. ماعديت ..

ولو دريت ان البحور بلا مواني .. ما سبحت ..

كان دربك لي طويل .. وكلما شفتك هويت ..

قلت لك : "كبوة جواد " .. وما كبيت الا وجمحت ..

ليه تسمعني وتمشي ؟ .. آه ليتك ما مشيت ..

وآه ليتك من كثرعثرات الزمان انتصحت ..

ضاعت أحلامي .. وضــلّ الحزن فيني .. وإهتديت ..

للطريق اللي يوديني على دمعي .. ورحت ..

يالحزن .. ليتك مثل دمعي وتنزل لارقيت ..

بس أعرفك .. لومسحت الدمع .. تبقى ما انمسحت ..

كان حلمي في وجود انسان يبكي لابكيت ..

وصار حلمي في وجود انسان يفرح لافرحت ..

كنت أشوف الناس مثلي .. كلما جعت وضميت ..

مادريت ان الأوادم ناس فوق وناس تحت ..

آه يا اول ذكرياتي .. خذني في حضنك نسيت ..

لا أسألك عن وجه ابوي اللي معه ياما سرحت ..

خذني في حضنك أبغفى .. ياااااه .. مبطي ماغفيت ..

وان لمحت دموع عيني .. سو نفسك مالمحت ..

خذني في حضنك وبعثر في جروحي .. وان قضيت ..

هز لي كتفي وقل لي : عيب تبكي لو سمحت ..

اضحك.. وعلــّم زماني ..من انا.. ومن وين جيت..

طق باب الحزن .. واصرخ فــيّ لامني فتحت ..

وضمني يمك.. وكمل ضحكتك لا من بكيت ..

ودي اذكر كيف كانت ضحكتي .. لامن فرحت ..

ابي الردووووووود لا هنتو ..

دمتم بود ..