مجالس الرويضة لكل العرب - عرض مشاركة واحدة - يعيش الحب .. شي عااادي .. يموت الحب .. وش يعني ؟؟ ..

#1 (**permalink**) 16-12-2008, 05:27 PM

مســـــــــاء الخيرات للجميع ..

القصيده اللي راح انزلها هالمره .. غيـــر .. احس ان اللي كاتبها جاي على الجرح ..

مو جرحي طبعا .. لكن يمكن يكون جرحك .. او يمكن يكون جرحها ..

تعالو .. نعيش جو القصيده ..

يعيش الحب .. شي عادي ..يموت الحب .. وش يعني ..

مدام قلوبنا ماتت مشاعرها وهي حيه ..

احسب الحب لا جيته على كيفه .. يطاوعني ..

مغفل من يعيش بهالزمن أحلام ورديه ..

من اول ماعرفتك ..تعطي احساسك .. وتمنعني ..

واقول .. تمون يانبع الحلا .. والحب .. والحنيه ..

دليل اني على كثر الجفا .. سلمتك ايديه ..

عشاني قلت لك .. مابدخل بهالجو .. طلعني ..

تروح .. وتاخذ الدنيا معاك .. وتقطع الجيه ..

مع اني قلت لك .. اذا ماطاعك الوقت الردي .. طعني ..

واذا ماجيتني كلك .. تعال شويََه شويَه ..

لك الله يوم اجي مشتاق لك .. والشوق ذابحني ..

كأني رايح للموت .. بيديني ورجليَه ..

واعرف ان مر في بالك تولعني .. تولعني ..

مدامه شي في بالك .. تجيبه .. ميه في الميه ..

وصلت لمرحله .. حتى الشعور العذب يخدعني ..

واحس اني على النيه .. وانا فعلا على النيه ..

بكمل لك كلامي .. بس تكفى .. لا تقاطعني ..

بقى جمر الكلام .. ودمعة بالعين مخفيه ..

امانه .. قبل اروح وينتهي كل شي .. طالعني ..

عشان تعرف .. وش معنى العطا قبل الانانيه ..

أبرحل .. والطريق اللي يودي .. مايرجعني ..

يبي يغنيني الله عن هوى حبك .. وطاريه ..

ابي اشوف ردودكم ..

دمتم بود ..