كل عام وانتم بخييير
والشهر عليكم مبارك
اعاده الله علينا وعليكم وعلى الامتين العربيه والاسلاميه
بالخير والمسرات
للتواصل .. عساها لرضا تاصل؟!
*
*
*
ياقلبي اصبر على اللوعه وطول السهـر=لابد.. نورالفجريجيـك عقـب انتظـار
مابه ظـلام ٍ يجـي الا وبعـده سفـر=ومابه سفرطال .. الا ّ بظـلام استـدار
لا..لا..تحسف على الماضي وهذا قـدر=مكتوب ٍ لك العنا تعيش في وسـط نـار
لا..لا..تولع بمخلـوق ٍ بطـول الدهـر=الحب بلوى مايعرف لاصغـار وكبـار
مافيه من يستحق اتعيش عمـرك قهـر=وش فادتك طيبتـك مافادكثـر اعتبـار
ياقلب لازم علـى الدنيـا تعيـد النظـر=وكل ٍ يجازى على فعله بطيب اختيـار
والهرجه اقسى من طعون الخوي بالظهر=لاجات هرجت خبل من دون فكر وقـار
خاو الذي بالمراجـل شيـخ ماهوبـزر=من لابةٍ فعلها معروف وضـح النهـار
قرم ٍوبن قرم طيبـه اعتلـى واشتهـر=حاز المراجل بفعله من يميـن ويسـار
ولاالردي عزنفسك عنـه قربـه خطـر=والاجرب اجرب يعادي من يجي فالمسار
ياقلبي افهم وخلك طـول وقتـك حـذر=نصيحتي وانت كيفك اعتبرها انـذار !!
وسلامتكم ،،،