مجالس الرويضة لكل العرب - عرض مشاركة واحدة

#1 (**permalink**) 02-05-2008, 01:20 AM

بنسبه لي ذي أحسن الابيات للشاعر المبدع////فــــــــهـــ المساعدــــــــ ــد
قبل اسافر كنت جالس في زمان الانتظار

ارتشف هم المكان وكل همي حاجتين

كنت خايف من يباس وكنت خايف من خضار

كنت اخاف انك تجيين وكنت خايف ما تجيين

لين شفتك من ورى بيبان صالات المطار

مقبله من كثر شوقك كنت اشوفك تركضين

مرة(ن) ركضك يمين ونظرة عيونك يسار

ومرة(ن) ركضك يسار ونظرة عيونك يمين

تايهه ماكنك الا ضحكت(ن) وسط انكسار

ساكته ما كنك الا دمعة(ن) فيها حنين

خايفه..وجله.. حزينه.. يعني كنتي باختصار

تشرحين لكل جاهل معنى كلمة عاشقين

بعدها جيتك ولدة عينك ودار الحوار

من كفوفي دمعتين ومن كفوفك دمعتين

كنت اصد وكنتي انتي ثايره مثل الشرار

ما على لدغة لسانك غير كلمة وين .. وين

واذكر اني رحت قبل لا ابدي لك اي اعتذار

رحت حتى قبل لا طيب خاطرك في كلمتين

لكن انتي عارفتني زين واللي صار صار

سامحني واذكريني قد ما انتي تقدرين

اذكريني لا انتهت هالشمس رحله مع نهار

واذكريني لا صحى في الصبح ورد الياسمين

واذكريني لا لمحتي من ليالي البرد نار

واذكريني لا سمعتي للمطر صوت(ن) حزين

واذكريني ..واذكريني ..واذكريني باختصار

اذكري فهد المساعد قد ما انتي تقدرين