مجالس الرويضة لكل العرب - عرض مشاركة واحدة - أطفالنا وقدوة العصر,,(قضية الأسبوع الأول)

#3 (**permalink**) 23-02-2008, 11:26 PM

من جد جسد قضيه خطيرهـ وللأسف انتشرت وبشكل كبير بين الأسر

وطبيعة التربيه التي يتبعونها مع اطفالهم،،

فكثير من الأهالي يلجؤون الى الالكترونيات والأفلام الكرتونيه بحجة

مانبي نحرم اولادنا أو يحس بالنقص أمام اطفال الآخرين متجاهليين

مدى الخطورهـ اللي يقدمونها بأيديهم إلى أطفالهم،،

وكثير أمهات عشان تتخلص من إزعاج أولادهم أو اللعب باأشياء البيت

تفتح له التلفزيون على أفلام كرتونيه وتروح عنو وماتعرف شنو نوعية هذا الفيلم

او شنو السلبيات اللي راح يتعلمها طفلها من هذي الأفلام خاصة انو أفلام الكرتون

اللي تعرض الحين تختلف نهائيا عن الأفلام اللي قبل،،

الحين تعرض أفلام كرتونيه كلها عنف والطفل يقلد كل اللي يشوفه

ودايم جسد انا اشوف اطفال يقلدون بحركاتهم مثل الحركات اللي يشوفونها

من الأفلام الكرتونيه والمشكله انو الأم ماتعرف شنو يشاهد

طفلها غير الافلام الكرتونيه من برامج في الفضائيات وغيرها واهي لاهيه عنو ،،

وانو الطفل في هذا السن يتركز في راسو كل شي يشوفه ويتأثر فيه،،

وتعرف جسد شنو اللي يقهر انو المعروف عن الاطفال كلهم براءهـ وعفويه

بس اغلب اطفال الحين العكس كلهم شراسه وعنف والسبب اهي الالكترونيات

ومشاهدة الأفلام الكرتونيه وغيرها،،

مثلا صديقة أمي عندها طفل دايم تشتري له أحدث الألعاب كل لعبه جديدهـ

تشتريها له من الجهاز الكمبيوتر العادي الى البلاي ستيشن 1 الى 2

الى قمبوي وغيرهـ الكثير وهذا غير متابعة الافلام الكرتونيه

والله الطفل حرااام عقله وتفكيرهـ كل في هذي الأشياااء حتى لما تجي

معو في بيتنا كلامه وحركاته وكل تصرفاته من الالعاب والكرتون،،

مااقول انا انو الطفل مايحتاج الى اللعب بس بحدود موب لدرجة الغاء

شخصيته وتفكيرهـ وحصرها كل في هذي الاشياء وكلها غير مفيدهـ

حتى بالمدرسه مايركزوون ولا بوقت المذاكرهـ والسبب الأول والآخير

اهم الأهل وجهلهم في تصرفاتهم بحجة الدلع والدلال الى أولادهم،،

ماهو دور الأسرة في حماية الطفل من تلك العولمة؟

دورهم كبيير في ارشادهم من الصغر والنصح بإبعادهم بقدر الإمكان

عن مشاهدة التلفزيون والأفلام الكرتونيه والألكترونيات واستبدالها بلعبه مفيدهـ

كلعبة تركيب الحروف أو الأرقام وتحفيظهم سور من القرآن الصغيرهـ او تعليمه

حروف اللغه الانجليزيه والله هذا الشي يتبعه اخوي الكبير مع اخواني الصغار

ونافعه كثيير الحمدلله والحين اهم يروحون يسألونه عن كلمات بالانجليزيه،،

وحتى بإستطاعة الأهل إدخال الفرحه بقلب الطفل باللعب والمزح معهم عوضا

عن اللعب باشياء ثانيه ماتفيدهم الا تضرهم وبشكل كبير،،

وعشان يجنبون اطفالهم عن الالعاب والتلفزيون خروج الأهل

مع اطفالهم الى منتزهـ وتغير جو لهم ولو ليوم واحد في كل اسبوع

بكذا الطفل ماراح يحس انو بحاجة الى الكترونيات او افلام كرتونيه لأنو الاهل كفيله

انها تعوضه بكل شي منها المتعه والفائدهـ له،،

هل اختيار البرامج لأبنائنا يعتبر حد من حريتهم؟

بالعكس عشان مانحسس الطفل انو مانعطيهم حريتهم انو نحببه أول شي

في برنامج معين ونفهمه قدر الإمكان انو هذا انفع لك الين مانشعر انو

الطفل اقتنع وحب متابعة هذي البرامج بكذا الطفل ماراح يحس بتأمر من الأهل

أو الأجبار بشي اهو مايبيه،،

كيف نزرع القدوة السليمة بهم في ظل هذا التطور الاعلامي وارتباط اطفالنا به؟

كثير امور نقدر نزرعها بعقل الطفل مثلا الطفل لما يطلب لعبه معينه يبيها

على الاهل انو مايصارخ عليه ويعارضه على طلبه بالعكس يحسسونه

انهم راضيين بطلبه وبطريقة الأهل يكلمون الطفل عن أضرار هذي اللعبه

وانو لو لعبها راح يصير فيك كذا راح تتعب عينك يعني بإسلوب يقنع الطفل

الين الطفل من نفسو يكرهـ اللعبه اللي كان يبيها وبكذا ماراح يفكر فيها مرهـ ثانيه

وانا سويت هذي الطريقه مع اخوي الصغير لما كان يبي يشرب ببسي

مامنتعته عنو واهو ماسك علبة الببسي صرت اتكلم عن مضارهـ مع اختي

واهو يسمعني واقول انو الببسي كذا وفيه كذا ويسوي فينا كذا وكذا

بعدها بنفس الوقت اخوي توقف عن الشرب وصار يسألني عن الببسي

وعن كل الكلام اللي قلته عنو ولما أكدت له كلامي وبهدوء والله كرهـ الببسي

في حينها قال ماابي اشربه والحمدلله الحين مايبيه ولا يطلبه،،

والمفترض على الأهل انهم يكلمون اطفالهم بكل شي مفيد كأحاديث

او القرآن الكريم وتحبيب الطفل بالجنه بكذا الطفل راح يفكر في كلام اهلو

ويبتعد عن الالكترونيات والافلام وغيرها من السلبيااات،،

هل الامتناع عن شراء ما يرغب به من أشياء لها صلة بالشخصيات

الكرتونية طريقة مجدية لإبعاده عنها؟

الامتناع اله سلبيه كبيرهـ ع الطفل لانو لما الطفل يمنع عنو شراء اللي يبيه

رغبته في اللي يبيه تزيد ويكون عندو اصرار انو يبيه وبكذا ماراح ينفع

الطفل بس مثل ماقلت بالمحاوله بالكلام وبشكل غير مباشر تكريه الطفل

من هذي الاشياء اللين نحسو انو خلاص ماعاد يبيها والاهل يقومون

باختبار طفلهم إذا مازال يبي هذي اللعبه أو لا وإذا شافوهـ يبيها ومستمر

على رايه ياخدوها اله بس مع الاستمرار في التكلم عنها بس الاهم انو

كل الكلام مايكون موجه الى الطفل انما يسمعه فقط ،،

وايضا تحاول الاهل تخصيص ساعه للعب فيها او يوم او يومين بالاسبوع

عشان الطفل مايتعلق اكثر بها والطفل من عادته يحب التغير

ومن نفسو راح يملها ومايبيها،،

ما هي الرقابة اللازمة للحد من هذا التأثير؟

الرقابه مهمه كثير للاطفال مثلا لما نشوف الطفل يسوي شي يجي الأب

او الأم ويجلسون جنب طفلهم ويسألونه شنو يسوي بأسلوب لطيف

او بتحسيسه انو يبون يشاركونه باللي يشوفه او اللي يفكر فيه،،

ودايم يحرصون عليه في تحركاته وتصحيح من اخطاوءهـ عند كل

غلط يشوفه الأهل بشرط الابتعاد كل البعد عن العنف والضرب،،

وانو لما الطفل يتصرف تصرف غلط يبتعدون عن توبيخه والصراخ عليه

ويكلمونه بكل اريحيه ولدي حبيبي انا اليوم شفت منك تصرف زعلني

وانو الطفل راح يخاف من زعل هذا الشخص وماراح يكررهـ

هذا الاسلوب يتبعه ابوي معنا لما كنا صغار واهو الحين وحنا نتبعه

مع اخواني الصغاار والحمدلله صار لما حنا الكبار نغلط اخواني الصغار

يجوون ينبهونا على هذا الغلط لانو الطفل ركز بعقلو شي واقتنع فيه،،

موضوع حلوو ومهم كثييير لخطورته على اطفالنا من هاللاكترونيات وغيرها،،

يعطيك العافيه جسد ماقصرت والله،،

وفا