انا ماهزني احد غيرك حبيبي
أنا ماهزني غيرك حبيبي
أنا ماهزني غيرك حبيبي بالبشـر إنسـان
ولا حبيت أبد قبلك ولا أفكـر أحـب ثانـي
دخيل الليل والقمر والنجم في سمانـا كـان
ودخيل الحب وعيونك ودمعاً غرق أوجانـي
أبي حبك يزلزلني ويفجـر داخلـي بركـان
أبيه يطهر جروحي ويمحي باقـي أحزانـي
أبيك تكثر الرهبـة وقلبـك ممتلـي إيمـان
وأبيك تشد من عزمـي إذا همـي تلقانـي
أبي حبك ينسيني همومي وعالـم الأحـزان
وأبي قلبك يصبرني إذا جيتك أنـا أعانـي
أبيك تشيل من قلبي معالم لوحـة الحرمـان
أبيك توقـف بصفـي إذا ظرفـي تحدانـي
أبي حبك يجنني وينبش في سمـاي ألـوان
أبي قلبك يحسسني بصدق الحـب لاجانـي
أبيك الصاحب الوافي يحطني دايم بهيمـان
أبيك العاشق المخلص يشافي دوم عطشاني
أبي عطشك أبي قربك أبي حباً كما البنيـان
أبي قلبـاً كبيـر لامـلاه الشـوق نادانـي
أبيك الشاعر الصادق أبيك المغرم الولهـان
أبيك تبيع الـروح وتضحـي مـن شانـي
أبي أمكن وسط قلبك لوحدي مامعاي إنسان
أبملك كل تفكيـرك وتملـك كـل وجدانـي
أبي قلبك يواعدني لو خان البشـر ماخـان
أبي أطلب طلب واحد رجيتك هو المهم الآني
أبيك تعيش في قلبي إذا تسمح مدى الأزمان
أبيك تشوف ماتملك بقلبـي ومـا تعدانـي
منقولـ 
آخر تعديل baderth يوم
30-01-2008 في 03:01 AM. |