ياشوق قله ماتناسيت ماضيه =لو سبته عمري يلاقي حتوفه
هاجس حروفي بالمحبه يناديه = واهيم مع ذكراه واكتب حروفه
أسهر على همسة غرامه واناجيه = والهم من فرقاه حالي يلوفه
ياشين وقت افراق غالي لغاليه = لاصارت اطعون المفارق تحوفه
لازلت أشوفه في خيالي وأراعيه = من وين ماناظرت لاحت اطيوفه
عمري قضيته في رجاوي لياليـه = يجتاحني هم الزمان وظروفه
ليته عطاني الحب باصدق معانيه = من قبل مايرحل ويعلن عزوفه
أعيش في ذكراه لازلت أطــّريه = وان طال صده ماعليـه الحسوفـه
يانبض قلبي .. ياحـقـيـقـة مـبـاديه = الصـمـت خـيـّم بـيـن يـأسـه وخـوفه
يـاكـم قـبـلـي وهــقـــّـنـه أمــانــيـه = والحـلم جـمـره ضـمهـا فـي كـفـوفه